Քաղաքականություն
09.06.2026 | 15:19
Միջազգային քրեական դատարանի (ՄՔԴ) Հռոմի կանոնադրության մասնակից պետությունների ասամբլեայի բյուրոն գլխավոր դատախազ Քարիմ Խանին հեռացրել է պաշտոնից՝ սեռական ոտնձգությունների մեղադրանքների պատճառով, գրում է DW-ի ռուսական ծառայությունը։
Դատարանի հաղորդագրության համաձայն՝ դատախազին հեռացնելու որոշումն ուժի մեջ է մտնում անմիջապես: Այնուամենայնիվ, գործի վերաբերյալ վերջնական որոշումը կկայացնի Հռոմի կանոնադրության մասնակից պետությունների ասամբլեան։
2023 թվականին, որպես Միջազգային քրեական դատարանի գլխավոր դատախազ, Քարիմ Խանը կալանքի օրդերներ էր տվել Ռուսաստանի նախագահ Վլադիմիր Պուտինի և Երեխաների իրավունքների պաշտպան Մարիա Լվովա-Բելովայի համար: 2024 թվականին նա կալանքի օրդերներ էր տվել նաև Իսրայելի վարչապետ Բենիամին Նեթանյահուի և նախկին պաշտպանության նախարար Յոավ Գալանտի համար։
Նույն՝ 2024 թվականին ՄՔԴ աշխատակցուհիներից մեկը 56-ամյա դատախազին մեղադրել է սեռական ոտնձգության մեջ: Կինը պնդում է, որ երկար ժամանակով Խանը ոտնձգություններ է կատարել իր նկատմամբ, ստիպել սեռական բնույթի գործողություններ կատարել։
Դրանից հետո Միջազգային քրեական դատարանի անդամ պետությունների ասամբլեան հետաքննություն է սկսել Խանի դեմ: 2025 թվականի մայիսին հայտարարվեց, որ գլխավոր դատախազը վարչական արձակուրդ կվերցնի և չի ծառայի հետաքննության ընթացքում: Խանը հերքում է բոլոր մեղադրանքները:
Թարգմանությունը՝ Էմմա Չոբանյանի
