06.06.2026 | 16:37
Անձրև և ամպրոպ. առաջիկա օրերի եղանակի կանխատեսումը
Ճապոնիան պատրաստվում է 2020թ. օլիմպիական խաղերին
27.11.2018 | 13:10
ՄՕԿ-ի նախագահ Թոմաս Բախը Ճապոնիայի վարչապետ Սինդզո Աբեի հետ շրջել է Ֆուկոսիմա քաղաքի մարզակառույցներով: Նրանք եղել են ստադիոնում, որտեղ կանցկացվեն բեյսբոլի և սոֆտբոլի մրցումները: Փոխվելու է ստադիոնի ծածկույթը: Մարզահամալիրը հասանելի կդառնա սահմանափակ հնարավորություններով մարդկանց համար: ՄՕԿ-ի նախագահն ասել է, որ Ճապոնիայում 2011թ. տեղի ունեցած երկրաշարժից և ցունամիից հետո, այդ երկրի համապատասխան մարզակառույցները ակտիվորեն վերականգնվում են: Նա նաև հույս է հայտնել,որ խաղերը կանցնեն հաջողությամբ:
Օլիմպիական խաղերի ծրագրում առաջին անգամ ընդգրկվել են բեյսբոլ, սոֆտբոլ, կարատե, սյորֆինգ, ժայռամագլցում և սքեյթբորդինգ մարզաձևերը:
Ջահի փոխանցավազքի մեկնարկը կտրվի 2020թ.մարտի 26-ին, որը կտևի 121 օր:Տոկիոյի համաշխարհային գլխավոր մարզահանդեսը կսկսվի հուլիսի 24 -ին և կավարտվի օգոստոսի 9 –ին: Մասնակիցները կմրցեն 33 մարզաձևերից:
ՀԱՕԿ լրատվական բաժին
