Ռոման Աբրամովիչը Կիևում հանդիպել է Զելենսկիի հետ․ ԶԼՄ-ներ

Լուրեր

22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
Բոլորը

Ռուսաստանցի գործարարը, որը, ինչպես պնդում է ՌԴ նախագահ Վլադիմիր Պուտինը, մայիսին մեկնել է Կիև և հանդիպել Ուկրաինայի նախագահ Վլադիմիր Զելենսկիի հետ, բավականին հայտնի է։ ВГТРК-ի թղթակից Պավել Զարուբինին ասել է Ռուսաստանի նախագահի օգնական Յուրի Ուշակովը, գրում է Meduza-ն։

«Բավականին հայտնի գործարար է մեկնել Կիև։ Նրան շատերը ճանաչում են», – ասել է Ուշակովը՝ չբացահայտելով գործարարի անունը։

Նա հավելել է, որ Կրեմլը «բաց և փակ» կապեր ունի Ուկրաինայի իշխանությունների հետ․ «Բաց կապեր եղել են, երբ մենք մի քանի փուլ բանակցություններ ենք անցկացրել»։

Ուկրաինայի Գերագույն ռադայի պատգամավոր Ալեքսեյ Գոնչարենկոն հունիսի 6-ին հայտարարել է, որ Ռոման Աբրամովիչն է հանդիպել Վլադիմիր Զելենսկիի հետ։

«Իմ տեղեկություններով՝ նման հանդիպում իսկապես տեղի է ունեցել, և խոսքը Ռոման Աբրամովիչի մասին է։ Հենց նա էր, որ այդ ժամանակ եկել էր Կիև՝ նախագահի հետ հանդիպելու և նրանից տեղեկություններ փոխանցելու Պուտինին»,- հայտարարել է պատգամավորը։

Հունիսի 5-ին Սանկտ Պետերբուրգի միջազգային տնտեսական ֆորումի լիագումար նիստի ժամանակ Վլադիմիր Պուտինը հայտարարել էր, որ երեք շաբաթ առաջ «գործարար շրջանակների ներկայացուցիչն» իրեն հայտնել է, որ հրավեր է ստացել՝ գնալ Կիև։

«Նա գնացել է Կիև և հանդիպել այդ պարոնի [Զելենսկիի]՝ այդ նամակի հեղինակի հետ։ Նա հանդիպել է այնտեղ նրա նստավայրում»,- պնդել է Պուտինը։

Վերադառնալուց հետո գործարարը Պուտինին է փոխանցել Զելենսկիի հանդիպման բանավոր խնդրանքը։

«Կարծում եմ՝ դա մայիսի 21-ին էր։ Իսկ մայիսի 22-ին ուկրաինական զորքերը սարսափելի ահաբեկչական հարձակում են իրականացրել Լուգանսկի քոլեջի հանրակացարանի վրա, որտեղ զոհվել են երեխաներ և դեռահասներ»,- նշել է Պուտինը։

Նա ասել է, թե գործարարին հարցրել է՝ «ի՞նչ է սա նշանակում. նրանք հանդիպում են խնդրում, ապա կատարում նման սարսափելի հանցագործություններ»։ Պուտինը չի նշել իր զրուցակցի անունը։

Երբ ֆորումի ժամանակ նրան հարցրել են՝ արդյո՞ք պատրաստ է հանդիպել Զելենսկիի հետ, Պուտինը պատասխանել է, որ այժմ իմաստ չի տեսնում դրանում։

Ռուսաստանցի միակ գործարարը, որը մասնակցել է Ուկրաինա-Ռուսաստան բանակցություններին 2022 թվականին, Ռոման Աբրամովիչն էր։ FT-ն հաղորդել է, որ Աբրամովիչը դարձել էր Պուտինի «վստահելի անձը», և Զելենսկին խնդրել էր ԱՄՆ-ին հետաձգել Աբրամովիչի դեմ պատժամիջոցները։

Թարգմանությունը՝ Էմմա Չոբանյանի