28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Իսրայելում տարբեր քաղաքներում կրակոցների հետևանքով մեկ մարդ զոհվել է, հինգը՝ վիրավորվել
Քաղաքականություն
07.06.2026 | 17:03
Հունիսի 7-ի Իսրայելում մի շարք կրակոցներ են հնչել, որոնք իշխանությունները որակել են որպես «ահաբեկչական հարձակում»։ Վերջին տեղեկությունների համաձայն՝ մեկ մարդ զոհվել է, հինգը՝ վիրավորվել, գրում է Meduza-ն։
Հրաձգությունը տեղի է ունեցել Քոչավ Յաիր շրջանի բենզալցակայանում, ինչպես նաև Ցուր Իցհակ և Ցուր Նաթան քաղաքներում: Վիրավորներից երկուսը ծանր վիճակում են, իսկ երեքը՝ միջին ծանրության:
Reuters-ը հաղորդում է, որ կրակոցները տեղի են ունեցել Իսրայելի կենտրոնական շրջանի երեք տարբեր վայրերում՝ Արևմտյան ափին գտնվող պաղեստինյան Կալկիլիա քաղաքի մոտ:
Իսրայելի զինված ուժերի հաղորդմամբ՝ Քոչավ Յաիրում հարձակմանը մասնակցել է երկու մարդ։ Բանակը հայտնել է, որ կասկածյալները սպանվել են անվտանգության ուժերի կողմից։ Հարձակվողներից մեկը սպանվել է Ցուր Իցհակի մոտակայքում, իսկ մյուսը վիրավորվել է և փորձել փախչել։
Թարգմանությունը՝ Էմմա Չոբանյանի
