06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Լավրովը ԵՄ-ին ինտեգրվելու հարցով հանրաքվե անցկացնելու կոչ է արել ՀՀ-ին
Քաղաքականություն
05.06.2026 | 11:28
Հայաստանի ղեկավարությունը «հարցը կտրուկ է դրել»՝ ընդունելով երկիրը դեպի ԵՄ տանելու մասին օրենքը, և այժմ պետք է «պատասխան տա իր խոսքերի համար»։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը «Իզվեստիա»-ին տված հարցազրույցում։
Նա նշել է, թե Հայաստանն այժմ փորձարկում է անցնում ԵՄ-ի կողմից՝ «կամ-կամ, ընտրե՛ք»՝ ԵՏՄ-ին կամ ԵՄ-ին անդամակցության վերաբերյալ։ Լավրովը նաև հիշեցրել է ՀՀ վարչապետ Նիկոլ Փաշինյանի խոսքերը նախընտրական քարոզարշավի ժամանակ, երբ նա ասել է, որ «պարտավոր է այլընտրանք ապահովել», իսկ որոշումը կկայացնի հայ ժողովուրդը։
«Եթե դա այդպես է, ապա պետք է ներկայացնել այդ այլընտրանքները և հանրաքվե հայտարարել։ Արդեն ընդունվել է օրենք Եվրամիությանը պաշտոնապես միանալու մեկնարկի համար։ Եթե նման օրենք գոյություն ունի, ապա արդեն իսկ կոշտ դրել ես հարցը, այդ դեպքում՝ պատասխան տվեք ձեր խոսքերի համար և դիմեք ժողովրդին»,- հայտարարել է Լավրովը։
Թարգմանությունը՝ Էմմա Չոբանյանի
