28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Կենտրոնում գտնվող 2 անշարժ գույք վերադարձվել է Հայաստանի Հանրապետությանը
Հասարակություն
04.06.2026 | 14:53
Պետշահերի պաշտպանության շրջանակում Հայաստանի Հանրապետությանը վերադարձվել է Երևանի Կենտրոն վարչական շրջանի Աղայան փողոցի 7-րդ շենքում գտնվող 51,9 քմ նկուղային տարածքը և 0,08 հա հողամասը։ Դատախազության հայցի հիման վրա դատարանը հաստատել էր կողմերի հաշտության համաձայնությունը, որի օրինական ուժի մեջ մտնելուց հետո գույքերի նկատմամբ գրանցվել է ՀՀ սեփականության իրավունքը։
«Գլխավոր դատախազությունը տեղեկացրել էր, որ Պետական շահերի պաշտպանության վարչությունը 2026 թվականի հունվարի 23-ին հայցադիմում էր ներկայացրել Հակակոռուպցիոն դատարան՝ պահանջելով անվավեր ճանաչել «Սեյսմակայուն շինարարության և կառուցվածքների պահպանման հայկական գիտահետազոտական ինստիտուտ» ԲԲ ընկերության և «Ջերմուկ Ինթերնեյշնլ» ՍՊԸ-ի միջև 2008 թվականի դեկտեմբերի 27-ին կնքված անշարժ գույքի առուվաճառքի պայմանագիրը և կիրառել անվավերության հետևանքներ:
Դատարանի՝ 2026 թվականի ապրիլի 14-ի վճռով, հաստատվել էր կողմերի հաշտության համաձայնությունը:
Օրինական ուժի մեջ մտած հաշտության համաձայնությամբ, 2026 թվականի հունիսի 6-ին Հայաստանի Հանրապետության սեփականության իրավունքն է գրանցվել Երևան քաղաքի Կենտրոն վարչական շրջանի Աղայան փողոցի 7-րդ շենքի 51,9 քմ ընդհանուր մակերեսով թիվ 97 նկուղային տարածքի և 0,08 հա մակերեսով հողամասի նկատմամբ»,- ասված է հաղորդագրությունում։
