07.08.2026 | 17:34
Սարիգյուղում գազանջատում կլինի
Ցուցադրված տեխնիկան մեծ մասամբ բանակին է մատակարարվում․ Հակոբ Արշակյան․ ՏԵՍԱՆՅՈՒԹ
Տնտեսություն
03.06.2026 | 16:44
«RISE 2026» ռազմարդյունաբերական ցուցահանդեսի շրջանակում լրագրողների հետ զրույցում ԱԺ փոխնախագահ Հակոբ Արշակյանը հայտարարեց, որ վերջին տարիներին Հայաստանում զգալի առաջընթաց է արձանագրվել ինչպես ռազմարդյունաբերության, այնպես էլ բարձր տեխնոլոգիաների ոլորտներում։
Խոսելով ցուցահանդեսին ներկայացված արտադրանքի մասին՝ նա նշեց, որ ցուցանմուշների մեծ մասը մատակարարվում է բանակին։
«Առանց փորձարկման բանակին մատակարարումը օրենքով արգելված է։ Այստեղ ներկայացված նմուշների մեծ մասը մատակարարվում է բանակին, թեև կան նաև կոնցեպտներ, որոնք դեռ պետք է անցնեն համապատասխան փորձարկումները»,- ասաց Արշակյանը։
Հարցին, թե բանակի սպառազինության մեջ ինչ մասնաբաժին ունի տեղական արտադրանքը, Արշակյանը կոնկրետ թիվ չնշեց, սակայն ընդգծեց, որ տեղական արտադրողներից կատարվող գնումների ծավալը 2018 թվականի համեմատ աճել է տասնյակ, իսկ որոշ ուղղություններով՝ հարյուրավոր անգամներով։
Մանրամասները՝ տեսանյութում։
