06.10.2026 | 11:27
Ռուսական զորքերը հարվածել են Զապորոժիեում Դնեպր գետի վրայով անցնող կամուրջներից մեկին․ 5 մարդ տուժել է
Ռազմական արդյունաբերությունը շուրջ 70 մլրդ-ի հասնող շրջանառություն ունի տնտեսության մեջ․ Հայրապետյան․ ՏԵՍԱՆՅՈՒԹ
03.06.2026 | 12:34
Երևանի Կարեն Դեմիրճյանի անվան մարզահամերգային համալիրում մեկնարկել է RISE Powered by Silicon Mountains 2026 երկօրյա բարձր տեխնոլոգիական ցուցահանդեսն ու ֆորումը: Միջոցառման բացման արարողությանը ելույթ է ունեցել ՀՀ բարձր տեխնոլոգիական արդյունաբերության նախարար Մխիթար Հայրապետյանը՝ ներկայացնելով ոլորտի ձեռքբերումները, Կառավարության ռազմավարական նպատակներն ու առաջիկա անելիքները:
Իր ելույթում նախարարն ընդգծել է, որ դեռևս 2024 թվականի սկզբից իր դիրքորոշումը հստակ է եղել՝ ոլորտը հանրությանն ու միջազգային գործընկերներին տեսանելի դարձնել միայն այն ժամանակ, երբ կլինեն կոնկրետ արդյունքներ և արձանագրված արտահանումներ։
Մխիթար Հայրապետյանը հայտնել է, որ այս տարվա մայիսին հայկական երեք ռազմարդյունաբերական ընկերություններ, երկու տարբեր ուղղություններով և երկու տարբեր մայրցամաքների, իրականացրել են ռազմական արտադրանքի վաճառք։ Նրա խոսքով՝ ռազմական արդյունաբերությունը շուրջ 70 մլրդ-ի հասնող շրջանառություն ունի տնտեսության մեջ։
«Արտադրանքը Հայաստանից դուրս է եկել և հասել է պատվիրատուին, գործարքը փակվել է, վճարումները կատարվել են»,- նշել է նախարարը՝ հավելելով, որ սրան զուգահեռ ընթացքի մեջ են տասնյակ միլիոնավոր դոլարների նոր գործարքներ։
Անդրադառնալով Կառավարության կողմից իրականացված աջակցությանը՝ գերատեսչության ղեկավարն ամփոփել է 2023-2025 թվականների եռամյա ծրագիրը, որի շրջանակներում կառավարությունն ուղիղ պատվերների միջոցով ոլորտում ներդրել է 172 միլիարդ դրամ։ Ծրագիրը գնահատվել է հաջողված։
Հաշվի առնելով արձանագրված առաջընթացը՝ կայացվել է հաջորդ շրջադարձային որոշումը՝ շարունակել երկարաժամկետ պայմանագրերի մշակույթը, ինչի համար արդեն իսկ ամրագրվել է 190 միլիարդ դրամ։ Նախարարի խոսքով՝ այդ գումարն առաջիկա տարիներին որպես ուղիղ ներդրում կուղղվի տնտեսության ու գիտության ոլորտներին։
Մանրամասները՝ տեսանյութում։
