Ուկրաինան ԱԹՍ-ներով հարձակվել է Պետերբուրգի վրա տնտեսական ֆորումի բացման օրը․ նավթային տերմինալը հրդեհվել է

Լուրեր

22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
Բոլորը

Ուկրաինական ԱԹՍ-ները հունիսի 3-ի առավոտյան հարձակվել են Կրոնշտադտի, ինչպես նաև Սանկտ Պետերբուրգի Կիրովսկի և Կրասնոսելսկի շրջանների ենթակառուցվածքների վրա, հայտնել է նահանգապետ Ալեքսանդր Բեգլովը, գրում է Meduza-ն։

Նրա խոսքով՝ մի քանի մարդ վիրավորվել է։ Որոշ օբյեկտներ վնասվել են։ Բեգլովը որևէ լրացուցիչ տեղեկություն չի տրամադրել։

Astra տելեգրամ ալիքի հաղորդմամբ՝ Սանկտ Պետերբուրգի նավթային տերմինալում, որը Ռուսաստանում Բալթյան տարածաշրջանի ամենամեծ տերմինալներից է, հրդեհ է բռնկվել անօդաչու թռչող սարքերի հարձակման հետևանքով։

Հունիսի լույս 3-ի գիշերը Լենինգրադի մարզում հայտարարվել է նաև օդային տագնապ: Տարածաշրջանի ղեկավար Ալեքսանդր Դրոզդենկոն հայտնել է, որ  խոցվել է 59 անօդաչու: Լուժսկի շրջանում չորս մասնավոր տներ աննշան վնասներ են կրել բեկորների անկման հետևանքով, սակայն տուժածներ չկան:

«Պուլկովո» օդանավակայանում գիշերը չվերթների սահմանափակումներ են մտցվել: «Ռոսավիացիա»-ն զգուշացրել է, որ սահմանափակումներ են մտցվել նաև Լենինգրադի մարզի մի քանի շրջանների օդային տարածքում:

Ըստ Downdetector-ի և «Сбой.рф»-ի՝ Սանկտ Պետերբուրգի բնակիչներն առավոտից բողոքում են բջջային ինտերնետի խափանումներից: Օգտատերերը հայտնում են, որ կայքերն ու մեսենջերները չեն աշխատում, իսկ որոշներն ընդհանրապես բջջային կապ չունեն։

Սանկտ Պետերբուրգում հունիսի 3-6-ն անցկացվում է միջազգային տնտեսական ֆորումը։ Նշվում է, որ այս տարի ելույթ են ունենալու Միացյալ Նահանգներից մի քանի հյուրեր (հիմնականում՝ աջակողմյան և ծայրահեղ աջ շրջանակների ներկայացուցիչներ), ինչպես նաև Վլադիմիր Պուտինի դուստրերը: ՌԴ նախագահի ելույթը նախատեսվում է հունիսի 5-ին:

Բացի այդ, ըստ Astra-ի՝ Տամբովի մարզի Միչուրինսկ քաղաքում այրվում է «Պրոգրես» գործարանը։ Նահանգապետ Եվգենի Պերվիշովը հայտնել է, որ «անօդաչու թռչող սարքերի անկման  հետևանքով» վնասվել են բնակելի շենք, գրադարան, արվեստի դպրոց և արդյունաբերական գործարանի օժանդակ շինություններ։ Տուժածներ  չկան։

Սմոլենսկի մարզի նահանգապետ Վասիլի Անոխինը հայտնել է, որ Երշիչսկի քաղաքային շրջանում հրդեհը մարելու ժամանակ անօդաչու թռչող սարքի բեկորներից զոհվել է  ԱԻՆ-ի երկու աշխատակից, ևս երկու հրշեջ և մեկ քաղաքացիական անձ թեթև վնասվածքներ են ստացել։

Ռուսաստանի կողմից նշանակված ինքնահռչակ ԴԺՀ-ի «ղեկավար» Դենիս Պուշիլինը պնդում է, որ Ենակիևում անօդաչու թռչող սարքը հարձակվել է Մոսկվա-Սիմֆերոպոլ ավտոբուսի վրա։ Նախնական տեղեկությունների համաձայն՝ յոթ մարդ զոհվել է, ևս 11-ը տարբեր աստիճանի վնասվածքներ ստացել:

Ռուսաստանի ՊՆ-ն հայտարարել է, որ հունիսի լույս 3-ի գիշերը ՀՕՊ ուժերը խոցել են ուկրաինական 354 անօդաչու թռչող սարք, այդ թվում՝ Լենինգրադի և Մոսկվայի մարզերում։

Թարգմանությունը՝ Էմմա Չոբանյանի