Կարսում Հայաստանի ու Թուրքիայի գործարար շրջանակների հանդիպում է տեղի ունեցել

Լուրեր

22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
Բոլորը

Թուրքիայի և Հայաստանի գործարար շրջանակների հանդիպում է տեղի ունեցել Կարսի առևտրաարդյունաբերական պալատի հովանու ներքո, գրում է թուրքական Անադոլու գործակալությունը։

Հանդիպմանը մասնակցել են Թուրքիայի ԱԳՆ Կովկասի հարցերով վարչության գլխավոր տնօրենի տեղակալ Այշե Ուզերը, ՀՀ ԱԳ նախարարի խորհրդական Հայկ Դարբինյանը, Կարսի առևտրաարդյունաբերական պալատի (KATSO) նախագահ Քադիր Բոզանը, Թուրքիայի առևտրաարդյունաբերական պալատների և բորսաների (TOBB) խորհրդի անդամ Սաիմ Օզակալը, Իգդիրի, Արդահանի և Էրզրումի առևտրաարդյունաբերական պալատների և բորսաների ներկայացուցիչները, ինչպես նաև երկու երկրների գործարարները։

Խոսելով Թուրքիայի և Հայաստանի միջև հարաբերությունների կարգավորման գործընթացում մինչ օրս ձեռնարկված քայլերի մասին՝ Օզերն անդրադարձել է նաև բարձր մակարդակի այցելությունների թեմային։ Նա ընդգծել է, որ այս շփումները ոչ միայն հարաբերություններին հաղորդում են դիվանագիտական ​​բնույթ, այլև ծառայում են որպես ապագայի համար մտադրությունների համատեղ հայտարարություն։

«Այս քայլերը կնպաստեն ոչ միայն երկու երկրների, այլև ամբողջ Հարավային Կովկասի և Եվրասիայի բարգավաճմանը և կայունությանը»,- ասել է թուրք դիվանագետը՝ հույս հայտնելով, որ բանակցությունները հիմք կհանդիսանան երկու երկրների գործարար համայնքների միջև արդյունավետ, հաջող և օգտակար համագործակցության համար։

ՀՀ արտաքին գործերի նախարարի խորհրդական Հայկ Դարբինյանը նույնպես նշել է  երկու երկրների միջև հարաբերությունների կարգավորման գործընթացի կարևորությունն այս հանդիպման  անցկացման համար։

«Մենք՝ Թուրքիան և Հայաստանը, ունենք արդյունաբերական և առևտրային համագործակցության հսկայական հնարավորություններ»,- ասել է նա։

Շնորհակալություն հայտնելով պաշտոնյաներին երկու երկրների միջև առևտրային հարաբերությունների հաստատման գործում ունեցած ներդրման համար՝ Դարբինյանն ընդգծել է, որ երկաթուղային կապի շնորհիվ հնարավոր կլինի ուղիղ առևտուր անել։ Նա ասել է, որ առևտուրը կտարածվի նույնիսկ մինչև Եվրոպա։ Դարբինյանը վստահություն է  հայտնել, որ Թուրքիայի և Հայաստանի միջև հարաբերությունների հաստատման գործընթացը կնպաստի առևտրային կապերի զարգացմանը։ Նա նշել է, որ հանդիպումը կարող է հնարավորություն տալ գործարար ներկայացուցիչներին ավելի լավ ճանաչել միմյանց։

Կարսի առևտրաարդյունաբերական պալատի նախագահ Բոզանը, իր հերթին, ասել է, որ հավաքվել են ոչ միայն տնտեսական ֆորումին մասնակցելու, այլև տարածաշրջանի ապագան համատեղ քննարկելու, նոր համագործակցության հիմքը դնելու և ընդհանուր տնտեսական տեսլական ձևավորելու համար։

«Մենք ունենք զգալի ներուժ տարբեր ոլորտներում։ Նմանապես, մենք գիտենք, որ Հայաստանն ունի զգալի ներուժ այնպիսի ոլորտներում, ինչպիսիք են արդյունաբերությունը, սննդի վերամշակումը, տեխնոլոգիաները, զբոսաշրջությունը և առևտուրը։ Այսօր գլոբալ մրցակցությունը տեղի է ունենում ոչ միայն երկրների, այլև տարածաշրջանների միջև։ Հետևաբար, մենք պետք է միմյանց դիտարկենք ոչ թե որպես մրցակիցներ, այլ որպես լրացուցիչ տնտեսական գործընկերներ»,- ասել է նա։

Ելույթներից հետո տեղի է ունեցել հուշանվերների հանձնման արարողություն: Միջոցառումը շարունակվել է Թուրքիայի և Հայաստանի գործարարների միջև երկկողմ բանակցություններով:

Թարգմանությունը՝ Էմմա Չոբանյանի