Ինչու Արթուր Օսիպյանին ձերբակալեցին, որ տհաճ հարցե՞ր տվեց Փաշինյանին․ Գեղամ Բաղդասարյան. ՏԵՍԱՆՅՈՒԹ

Լուրեր

22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
Բոլորը

Արցախի մամուլի ակումբի նախագահ Գեղամ Բաղդասարյանն անդրադարձել է Արթուր Օսիպյանի կալանավորման գործին՝ ընդգծելով, որ անհրաժեշտ է հասկանալ հենց ձերբակալության իրական հիմքերը։

«Ամենատարբեր հարթակներում քննարկումների ժամանակ անընդհատ խոսում են նրա ֆեյսբուքյան գրառումների մասին։ Բայց ես ուզում եմ հիշեցնել բոլորին, որ նրան ձերբակալելուց հետո կալանել են կոնկրետ միջադեպի ժամանակ՝ Նիկոլ Փաշինյանի հետ բանավեճից անմիջապես հետո։ Այսինքն՝ գրառումները հետո են հայտնաբերվել, և ես ուզում եմ հասկանալ պարզապես որպես քաղաքացի՝ այդ օրը, այդ քննարկման ժամանակ կամ դրանից անմիջապես հետո ի՞նչ հիմքով են ձերբակալել և ապա կալանավորել Արթուր Օսիպյանին»,– ասել է Բաղդասարյանը։

Նրա խոսքով՝ գործի շուրջ հետագայում շրջանառվող փաստարկները չեն տալիս հիմնական հարցի պատասխանը։

«Ֆեյսբուքյան գրառումները հետո են երևան եկել, ու փորձ է արվել դրանք կցել գործին։ Բայց այդ պահին ինչի՞ համար մարդուն ձերբակալեցին՝ որ տհաճ հարցե՞ր տվեց Փաշինյանին»,– նշել է նա։

Բաղդասարյանը նաև ընդգծել է, որ բարձրացված հարցերը վերաբերում են ոչ միայն կոնկրետ գործին, այլև լայն հանրային մտահոգություններին։

«Այդ հարցերի պատասխանները հուզում են ոչ միայն Արթուր Օսիպյանին, այլև երևի թե արցախցիների մեծ մասին, այդ թվում նաև ինձ։ Տարիներ շարունակ արդյո՞ք վերահսկվել են Արցախին Հայաստանից հատկացվող պետական միջոցները։ Այս թափանցիկության հարցը եղել է նաև մեր երկարամյա պահանջների մաս»,– ասել է նա։

Նրա խոսքով՝ հասարակական քննարկման կենտրոնում պետք է լինեն նաև կոռուպցիոն հարցերը։

«Շատ է խոսվում կոռուպցիայի մասին, «գնացեք ձեր թալանածը հետ բերեք» և այլն։ Մենք կուզենայինք իմանալ՝ ինչքա՞ն է թալանվել, ովքե՞ր են թալանել, և Հայաստանի Հանրապետության իշխանությունը ի՞նչ միջոցներ է ձեռնարկում այդ թալանչիների նկատմամբ»,– նշել է Բաղդասարյանը։

Անդրադառնալով գործի հնարավոր զարգացումներին՝ նա նշել է, որ հույս ունի որոշակի ազդեցության միջազգային հարթակներից։

«Իմ միակ հույսը այն է, որ հարցը արդեն իսկ տեղափոխվել է միջազգային հարթակ։ Արդեն դուրս է եկել հայաստանյան շրջանակից, և մի շարք ՀԿ-ներ դիմել են Եվրոպայի խորհրդի մարդու իրավունքների հանձնակատարին, միջազգային կազմակերպություններին, դեսպանատներին»,– ասել է նա։

Բաղդասարյանի խոսքով՝ միջազգային արձագանքը կարող է ազդեցություն ունենալ գործընթացի վրա, սակայն միաժամանակ նա նկատել է ներքին քաղաքական միջավայրի բարդությունները։

«Արդեն միջազգային լրատվամիջոցներում էլ կան արձագանքներ։ Կարծում եմ՝ սա չի կարող անհետևանք անցնել, բայց նաև տեսնում ենք, որ քաղաքական միջավայրում գործում է այն տրամաբանությունը, որ ամեն միջոց արդարացված է»,– եզրափակել է նա։

Մանրամասները՝ տեսանյութում։