02.06.2026 | 13:42
Օսիպյանին վիրավորող կողմին տարբերակ ենք առաջարկել այս իրավիճակից դուրս գալու․ Գեղամ Օհանյան․ ՏԵՍԱՆՅՈՒԹ
Ադրբեջանը Սերբիայում մասնակցում է ՆԱՏՕ-ի և ԱՄՆ-ի զորավարժություններին
Քաղաքականություն
02.06.2026 | 11:53
Ադրբեջանցի զինծառայողները մասնակցում են «Պլատինե գայլ 26» բազմազգ մարտավարական զորավարժություններին, որոնք մեկնարկել են Սերբիայի հարավում՝ ԱՄՆ Եվրոպական հրամանատարության աջակցությամբ, գրում են ադրբեջանական լրատվամիջոցները։
Սերբիայի Պաշտպանության նախարարության հաղորդմամբ՝ զորավարժությունները կտևեն մինչև հունիսի 13-ը, դրանք անցկացվում են Բույանովաց քաղաքի մոտակայքում։ Վարժանքներին մասնակցում է տարբեր երկրներից շուրջ 550 զինծառայող։
Սերբիայի և ԱՄՆ-ի զինվորականների հետ մեկտեղ՝ զորավարժություններին մասնակցում են Ադրբեջանի, Բոսնիա և Հերցեգովինայի, Հունաստանի, Միացյալ Թագավորության, Հունգարիայի, Իտալիայի, Ռումինիայի, Հյուսիսային Մակեդոնիայի և Չեռնոգորիայի կոնտինգենտները։
Զորավարժությունների հիմնական նպատակը տարբեր երկրների զինվորական ստորաբաժանումների միջև համագործակցության մշակումն է խաղաղապահ գործողությունների իրականացման ընթացքում։
Նշվում է, որ այս միջազգային զորավարժությունների շարքը Սերբիայում անցկացվում է 2014 թվականից։
Թարգմանությունը՝ Էմմա Չոբանյանի
