06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Կրասնոդարում ուկրաինական ԱԹՍ-ների հարձակման հետևանքով հրդեհ է բռնկվել նավթավերամշակման գործարանում
Քաղաքականություն
02.06.2026 | 11:30
Ուկրաինական անօդաչու թռչող սարքերը հարձակվել են ՌԴ Կրասնոդարի երկրամասի վրա։ Հարվածների հետևանքով հրդեհ է առաջացել Իլսկի նավթավերամշակման գործարանում, հայտնել է տարածաշրջանի օպերատիվ շտաբը, գրում է Meduza- ն։
Բացի այդ, Կուբանի Սլավյանսկ քաղաքում անօդաչու թռչող սարքի բեկորներն ընկել են բնակելի շենքի վրա։ Օպերատիվ շտաբի տեղեկացմամբ՝ հարձակումների հետևանքով տուժածներ չկան։ Astra տելեգրամ ալիքի տվյալներով՝ Իլսկի նավթավերամշակման գործարանի վրա գիշերային հարձակումը եղել է առնվազն 16-րդը՝ լայնածավալ պատերազմի մեկնարկից ի վեր։
Ռուսաստանի Պաշտպանության նախարարության տվյալներով՝ ՀՕՊ ուժերը գիշերը որսացել և ոչնչացրել են ուկրաինական 148 անօդաչու թռչող սարք, մասնավորապես, Բելգորոդի, Բրյանսկի, Վոլգոգրադի, Կուրսկի, Օրյոլի, Ռոստովի և Սմոլենսկի մարզերում, ինչպես նաև Կրասնոդարի երկրամասում, բռնակցված Ղրիմում, Ազովի ու Սև ծովերի վրա։
«Տրանսնեֆտ»-ի խողովակաշարերի համակարգին միացված Իլսկի նավթավերամշակման գործարանը Հարավային դաշնային շրջանի առաջատար նավթավերամշակման գործարաններից է։ Այն ունի նավթավերամշակման վեց տեխնոլոգիական սարք՝ տարեկան 6,6 միլիոն տոննա ընդհանուր հզորությամբ։
Թարգմանությունը՝ Էմմա Չոբանյանի
