03.08.2026 | 16:15
Կառավարությունից ու համայնքապետարաններից՝ խորհրդարան․ ովքեր են ՔՊ-ի նոր պատգամավորները
Պուտինի և Մհեր Գրիգորյանի միջև առանձին հանդիպում Աստանայում նախատեսված չէ
Քաղաքականություն
29.05.2026 | 12:01
Ռուսաստանի նախագահ Վլադիմիր Պուտինի և Հայաստանի փոխվարչապետ Մհեր Գրիգորյանի միջև Աստանայում առանձին հանդիպում նախատեսված չէ, սակայն նրանք կարող են շփվել ԵՏՄ գագաթնաժողովի շրջանակում։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։
«Առանձին հանդիպում նախատեսված չէ, բայց նրանք կարող են հրաշալի զրույց ունենալ [գագաթնաժողովի շրջանակում], եթե ցանկանան»,- Աստանայում լրագրողներին ասել է Պեսկովը։
Հարցին՝ արդյո՞ք Գրիգորյանը կտանի ԵՏՄ առաջնորդների ուղերձը Երևան, Պեսկովը պատասխանել է. «Գագաթնաժողովն այժմ սկսվում է նեղ կազմով, և այնտեղ, իհարկե, կքննարկվեն զգայուն հարցեր»։
Մեկնաբանելով ռուսական կողմի կողմից Հայաստանից առանձին ապրանքների ներմուծման սահմանափակումները՝ Պեսկովն ասել է, որ այդ հարցի վերաբերյալ Երևանից որևէ արձագանք չի եղել։
Թարգմանությունը՝ Էմմա Չոբանյանի
