28.05.2026 | 15:18
«Ռոսսելխոզնադզորը» մայիսի 30-ից սահմանափակել է Հայաստանից մրգերի և բանջարեղենի ներմուծումը
Սամվել Կարապետյանը 3-րդ ներողությունը պետք է խնդրի․ Նիկոլ Փաշինյան․ ՏԵՍԱՆՅՈՒԹ
Քաղաքականություն
28.05.2026 | 13:45
Պարզունակ ստեր է ասում Սամվել Կարապետյանը և վախենում դատարանում դրա պատասխանատվությունը կրել։ Այս մասին լարգրողների հետ ճեպազրույցի ժամանակ հայտնեց վարչապետ Նիկոլ Փաշինյանը՝ անդրադառնալով Սամվել Կարապետյանի՝ ավելի վաղ արված հայտարարությանը։
Իր գործով վերջին դատական նիստի ժամանակ Կարապետյանը նշել էր, որ չի ցանկանում պատասխանել Factor TV-ի լրագրողի հարցին, քանի որ դրանից հետո Փաշինյանն իրեն դատի է տալիս։
«Ի դեպ ասեմ, որ ևս մի դատական հայց եմ ներկայացնելու. հեղինակը կամ կուսակցությունն էր, եթե անձն է՝ անձը, որովհետև երեկվա «Արմենիա» հեռուստաընկերության տված հարցազրույցից հետո նրանք հայտարարել են, որ ես հաստատել եմ, որ 300,000 ադրբեջանցի է վերադառնալու կամ գալու բնակեցնելու Հայաստան։ Ես այդ կապակցությամբ երրորդ հայցը կներկայացնեմ, և կարծում եմ՝ այս անգամ արդեն գործ ունենք հրապարակային հարցազրույցի հետ։
Առավել ևս ակնհայտ է, որ երրորդ ներողությունը պետք է խնդրի Սամվել Կարապետյանը։ Եթե նա արդեն սկսել է անհանգստանալ դատական հայցագնի վերաբերյալ, նշանակում է՝ իր հարստության չափերի մասին լուրերը խիստ չափազանցված են»,-ասաց նա։
Մանրամասները՝ տեսանյութում։
