28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
«Գայլ» հետախույզ-ռոբոտներ՝ զորահանդեսին․ ՏԵՍԱՆՅՈՒԹ
28.05.2026 | 11:11
2026 թվականի մայիսի 28-ին, Հանրապետության հրապարակում Հանրապետության օրվան նվիրված հանդիսավոր զորահանդեսին առաջին անգամ ներկայացվել են Հայաստանի Հանրապետության բանակի պաշտպանողական նորագույն սպառազինությունն ու ռազմական տեխնիկան։
Ցուցադրվել են նաև ժամանակակից հետախուզահարվածային չորքոտանի «Գայլ» ռոբոտային համակարգերը, որոնք տարբեր կլիմայական և բարդ ռելիեֆային պայմաններում Հայաստանի Հանրապետության բանակի զինվորի հետ ունակ են իրականացնելու տարբեր բարդության հետախուզման, հայտնաբերման, թիրախի տարբերակման, կրակային աջակցման, ինչպես նաև զինամթերքի և այլ անհրաժեշտ միջոցների մարտի դաշտ հասցնելու խնդիրներ։ Համակարգն ունակ է նաև իրականացնել հայտնաբերված պայթուցիկ սարքերի կրակային և հեռահար ոչնչացում․ համալրված է ցերեկային, գիշերային տեսանելիության, ինչպես նաև ջերմատեսիլ սարքերով։ Ունակ է իրականացնել թիրախի հայտնաբերում, տարբերակում և ուղեկցում։
Նշվեց նաև, որ հաշվի առնելով ժամանակակից պատերազմների բնույթը և տարբեր հակամարտությունների ընթացքը՝ ներկայումս տարբեր պետությունների բանակներն անցնում են արհեստական բանականությամբ օժտված և հեռակառավարվող ռոբոտացված միջոցների, որոնց կիրառումը մարտի բարդ պայմաններում զուգորդում կամ փոխարինում է զինվորին։
Հիշեցնենք՝ դեռևս 2025-ի նոյեմբերի 8-ին Նիկոլ Փաշինյանը Facebook-ում տեսանյութ էր հրապարակել, որտեղ ցուցադրվում էր հայկական զինված ուժերի նոր տեխնիկական համալրումը՝ չորքոտանի ռոբոտը։
«Մեր զինվորների նոր բարեկամը»,-գրել էր նա։
Մանրամասները՝ տեսանյութում։
Եվգենյա Համբարձումյան
