27.05.2026 | 21:00
Ինչ զինատեսակներ է ՀՀ-ն արտադրել․ RISE-2026 ցուցահանդեսում կցուցադրվեն արտադրանքներ․ ՈՒՇԱԴՐՈՒԹՅԱՆ ԿԵՆՏՐՈՆՈՒՄ
ՌԴ-ն դեռևս պատասխան չի ստացել հայկական կողմից Մեծամորի ԱԷԿ-ի էներգաբլոկի հետագա շահագործման վերաբերյալ. Լիխաչով
Քաղաքականություն
27.05.2026 | 19:41
Ռուսաստանը Հայաստանին առաջարկել է hայկական ԱԷԿ-ի փակումից հետո շահագործումից հանված հզորությունները փոխարինելու տարբերակներ, ինչպես նաև ապագա ԱԷԿ-ի շահագործմանը մասնակցելու տարբեր սխեմաներ, սակայն դեռևս պատասխան չի ստացվել հայկական կողմից։ Այս մասին «Իզվեստիա»-ին տված հարցազրույցում հայտարարել է «Ռոսատոմ»-ի գլխավոր տնօրեն Ալեքսեյ Լիխաչովը։
«Մենք մեր հայ գործընկերներին առաջարկել ենք բազմաթիվ լուծումներ, այդ թվում՝ միջին հզորության և գիգավատտ դասի բլոկներ։ Մենք պատրաստ ենք էլեկտրաէներգիայի ավելցուկի դեպքում գնել այն և արտահանել որոշ մասը հարևան երկրներ, ինչպես նաև ակտիվորեն մասնակցել ատոմային էներգաբլոկի գործունեությանը և շահագործմանը»,- ասել է «Ռոսատոմ»-ի ղեկավարը։
Նա նաև նշել է, թե Ռուսաստանը դեռևս պատասխան չի ստացել հայկական կողմից Մեծամորի ատոմակայանի ատոմային էներգաբլոկի հետագա շահագործման վերաբերյալ։
«Գնդակն այժմ ամբողջությամբ հայկական թիմի դաշտում է. ես իսկապես չէի ցանկանա, որ այս հարցը վերածվի քաղաքական քննարկումների և տարբեր անձնական նախասիրությունների ու հակակրանքների։ Հայաստանը Կովկասում միակ երկիրն է, որը հպարտորեն կրում է ատոմային էներգիայի դրոշը։ Եվ այս իրավասությունը կորցնելը, այսինքն՝ ատոմային էներգիան ընդհանրապես կորցնելը, իմ կարծիքով, բացարձակապես անխոհեմ կլինի»,- նշել է նա։
Թարգմանությունը՝ Էմմա Չոբանյանի
