10.10.2026 | 17:44
Հայաստանի կրտսեր տարիքի պատանիների հավաքականը Եվրոպայի ստուգատեսում կունենա 17 բռնցքամարտիկ
Չեխայի բնակիչը Eurojackpot վիճակախաղում 120 միլիոն եվրո է շահել
Քաղաքականություն
27.05.2026 | 21:43
Չեխիայում վիճակախաղի տոմսի տեր անհատը կամ մարդկանց խումբը շահել է Eurojackpot վիճակախաղի 120 միլիոն եվրոյի ջեքփոթը: Այս մասին հայտնել է Westlotto ընկերությունը, գրում է DW-ի ռուսական ծառայությունը։
Welt թերթի հաղորդմամբ՝ Գերմանիայում նույնպես մի քանի հաջողակ հաղթողներ են եղել։ Հյուսիսային Հռենոս-Վեստֆալիայից մեկ մասնակից, Սաքսոնիայից երկուսը և Թյուրինգիայից մեկը շահել են 4 միլիոն եվրո։ Նորվեգիայի բնակիչը նույնքան գումար է ստացել։ Բոլոր դեպքերում չի նշվում՝ շահող վիճակախաղի տոմսը գնվել է մեկ անձի՞, թե՞ մի խումբ մարդկանց կողմից։
Առավելագույն մրցանակը շահելու համար Eurojackpot վիճակախաղի տոմսերում պետք է համընկնեին հինգ թվեր՝ 1-ը 50-ի միջակայքից և երկու լրացուցիչ թվեր՝ 1-ից 12: Այս անգամ հաղթական թվերն են եղել 5, 11, 23, 33 և 42, իսկ լրացուցիչ թվերը՝ 10 և 12: Նախորդ 13 վիճակահանություններում ոչ մի մասնակցի մոտ չէր համընկել հաղթական համադրությանը: Արդյունքում մրցանակը, որը յուրաքանչյուր խաղարկությունից հետո հաղթողի բացակայության պայմաններում ավելանում է, հասել է 120 միլիոն եվրոյի:
Այս տարի Eurojackpot-ի ջեքփոթը շահել են ութ անգամ։ Ապրիլի սկզբին Ֆինլանդիայից և Սլովակիայից մասնակիցը կարողացել էր անվանել բոլոր հաղթական թվերը՝ շահելով 5 միլիոն եվրո։ Վերջին անգամ մարտի 31-ին Գերմանիայի Հռենոս-Վեստֆալիայի բնակիչը (խումբը), որը ճիշտ էր գուշակել բոլոր թվերը, ստացել էր 70,7 միլիոն եվրո։ Գերմանիայում վիճակախաղի շահումները հարկերից ազատված են։
Թարգմանությունը՝ Էմմա Չոբանյանի
