14.07.2026 | 18:19
Սևանի ափին գտնվող 2.5 հա հողատարածքը վերադարձվել է պետությանը. այն վարձակալել էր Կարապետ Գուլոյանը
Բայրամովը ՄԱԿ-ի գլխավոր քարտուղարի հետ ՀՀ-Ադրբեջան կարգավորման գործընթացն է քննարկել
Քաղաքականություն
27.05.2026 | 11:42
Ադրբեջանի ԱԳ նախարար Ջեյհուն Բայրամովը հանդիպել է ՄԱԿ-ի գլխավոր քարտուղար Անտոնիո Գուտերեշի հետ՝ ՄԱԿ-ի Անվտանգության խորհրդում «Միջազգային խաղաղության և անվտանգության պահպանում. ՄԱԿ-ի կանոնադրության նպատակների և սկզբունքների հարգում և միջազգային համակարգի ամրապնդում՝ հիմնված ՄԱԿ-ի կենտրոնական դերակատարման վրա» թեմայով քննարկմանը մասնակցության շրջանակում։
Ադրբեջանի ԱԳՆ-ի հաղորդմամբ՝ hանդիպման ընթացքում քննարկվել են Ադրբեջանի և ՄԱԿ-ի միջև համագործակցության ներկայիս օրակարգը, ինչպես նաև տարածաշրջանում ստեղծված իրավիճակը։ Բացի այդ, ընդգծվել են նաև Ադրբեջանի ռազմավարական կապերը Կենտրոնական Ասիայի հետ, ինչպես նաև երկրի դերը տրանսպորտի և հաղորդակցության ոլորտում։
Ադրբեջանական կողմի հաղորդմամբ՝ ՄԱԿ-ի գլխավոր քարտուղարին մանրամասն տեղեկատվություն է տրամադրվել «հետհակամարտության շրջանում տարածաշրջանում առկա իրավիճակի և իրողությունների, նախկին ներքին տեղահանված անձանց իրենց տներ արժանապատիվ վերադարձն ապահովելուն ուղղված վերակառուցման և շինարարական աշխատանքների, Ադրբեջանի և Հայաստանի միջև հարաբերությունների կարգավորման գործընթացի, վստահության ամրապնդման միջոցառումների և տարածաշրջանում ականազերծման սպառնալիքի վերաբերյալ»։
Թարգմանությունը՝ Էմմա Չոբանյանի
