25.05.2026 | 19:50
Պետական գաղտնիք է․ ԱԱԾ-ն՝ Սամվել Կարապետյանին առնչվող փաստաթղթում ФСБ-ի վերաբերյալ նշման մասին
Հայտնի է՝ որքան աշխատավարձ է ստանալու Ժոզե Մոուրինյուն «Ռեալում»
25.05.2026 | 18:22
Պորտուգալական «Բենֆիկայի» գլխավոր մարզիչ Ժոզե Մոուրինյուն Մադրիդի «Ռեալում» կստանա տարեկան 6 միլիոն եվրո աշխատավարձ, հաղորդում է Sport.es-ը:
63-ամյա պորտուգալացի մասնագետի տեղափոխության համար «Արքայական ակումբը» 7 միլիոն եվրո է վճարելու «Բենֆիկային»։ Մոուրինյուն «Ռեալի» հետ կնքելու է 3 տարվա պայմանագիր։
«Ռեալի» գլխավոր մարզիչ Ալվարո Արբելոան օրեր առաջ հայտարարել էր, որ այս մրցաշրջանի ավարտին հեռանալու է զբաղեցրած պաշտոնից։ Նա այս տարվա հունվարին էր գլխավորել «Ռեալը»՝ փոխարինելով իսպանացի Խաբի Ալոնսոյին, որը նույնպես տարեկան 6 միլիոն եվրո աշխատավարձ էր ստանում մադրիդյան ակումբում։
Հիշեցնենք, որ Ժոզե Մոուրինյուն «Ռեալը» գլխավորել է 2010-2013 թվականներին՝ դառնալով Իսպանիայի չեմպիոն, գավաթակիր ու սուպերգավաթակիր։ Մադրիդյան ակումբից հեռանալուց հետո անվանի մարզիչը աշխատել է «Չելսիում», «Մանչեսթեր Յունայթեդում», «Տոտենհեմում», «Ռոմայում», «Ֆեներբահչեում», իսկ «Բենֆիկա» վերադարձել է 2025թ․ սեպտեմբերին։
