03.11.2026 | 17:45
Ասել է` մոլորվել է, կնոջը սպանելու դիտավորություն չի ունեցել. ՔԿ նախագահը` Շաքիի դեպքի մասին․ ՏԵՍԱՆՅՈՒԹ
Ընդունելու ենք «Սաֆարովի կանխարգելման օրենք»․ ադրբեջանցիները չեն կարող ՀՀ-ում տուն գնել․ Կարապետյան․ ՏԵՍԱՆՅՈՒԹ
Քաղաքականություն
25.05.2026 | 12:51
«Ուժեղ Հայաստան» կուսակցության առաջնորդ Սամվել Կարապետյանը հայտարարել է, որ կուսակցության առաջնահերթ նպատակը Հայաստանի անվտանգությանը վերաբերող խնդիրների լուծումն է՝ շեշտադրելով, իր ձևակերպմամբ, «300 հազար ադրբեջանցիների մուտքը Հայաստան կանխելու» անհրաժեշտությունը։
Կարապետյանը նշել է, որ նախընտրական քարոզարշավի ընթացքում ներկայացրել են տնտեսական մի շարք ծրագրեր, այդ թվում՝ 300 հազար աշխատատեղի ստեղծում, տուրիզմի զարգացման համար 1 միլիարդ դոլարի ներդրում, ժողովրդագրական խնդիրների լուծմանն ուղղված միջոցառումներ, ինչպես նաև փոքր բիզնեսը հարկերից և ստուգումներից ազատելու առաջարկներ։ Նրա խոսքով՝ եթե չկանխվի ադրբեջանցիների՝ Հայաստան տեղափոխվելու գործընթացը, ապա տնտեսական ծրագրերը չեն կարող լիարժեք իրագործվել։ Կարապետյանը հայտարարել է, որ իշխանության գալու դեպքում կառավարության առաջին նիստում պատրաստվում են ընդունել «Սաֆարովի կանխարգելման օրենքը», որով, իր խոսքով, նախատեսվում է արգելել ադրբեջանցիներին Հայաստանում հողատարածքներ և անշարժ գույք ձեռք բերել կամ նվիրատվությամբ ստանալ։
Մանրամասները՝ տեսանյութում։
