28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Յուրա Մովսիսյանը նշել է Ռուսաստանի Պրեմիեր լիգայի լավագույն ֆուտբոլիստին
18.05.2026 | 18:36
Հայաստանի ազգային հավաքականի նախկին հարձակվող Յուրա Մովսիսյանը գովեստի խոսքեր է ասել Ռուսաստանի փոխչեմպիոն դարձած «Կրասնոդարի» ավագ Էդուարդ Սպերցյանի հասցեին։
«Սպերցյանը Ռուսաստանի Պրեմիեր լիգայի լավագույն խաղացողն է։ Շատ բազմակողմանի ֆուտբոլիստ և հիանալի մարդ է։ Ես շատ հպարտ եմ նրանով և ուրախ եմ տեսնել, թե ինչի է նա հասնում։ Նա արժանի է այն ամենին, ինչ ստանում է, և նույնիսկ ավելին։
Սպերցյանն ունի բոլոր որակները եվրոպական թոփ ակումբում խաղալու համար։ Նա բավականաչափ խելացի և ուժեղ խաղացող է՝ աշխարհի ցանկացած լիգայում և ցանկացած ակումբում խաղալու համար»,- Metaratings-ի հետ հարցազրույցում նշել է Յուրա Մովսիսյանը, որը 2011-2012թթ․ խաղացել է «Կրասնոդարում»։
Ռուսաստանի ավարտված առաջնությունում Հայաստանի հավաքականի 25-ամյա կիսապաշտպանն անցկացրել է 30 հանդիպում, դարձել 13 գոլի ու 16 գոլային փոխանցման հեղինակ։
