18.05.2026 | 19:47
392 հազար դրամ եկամուտ․ ինչ է հայտարարագրել Լևոն Շիրինյանը
Հայ բռնցքամարտիկները 3 ոսկե մեդալով կվերադառնան Կաունասից
18.05.2026 | 12:34
Հայ բռնցքամարտիկները 3 ոսկե մեդալ են նվաճել Լիտվայի Կաունաս քաղաքում կայացած Ալգիրդոս Շոչիկոյի անվան միջազգային մրցաշարում։
13 երկրի բռնցքամարտիկների պայքարում պատվո հարթակի ամենավերին աստիճանին են կանգնել 55 կգ Ռուսլան Ասլիկյանը, 65 կգ Արթուր Մկրտչյանը, և 90 կգ Դավիթ Սիմոնյանը, հաղորդում է ՀԲՖ մամուլի ծառայությունը։
2023 թվականի Եվրոպայի երիտասարդների չեմպիոն Դավիթ Սիմոնյանը ճանաչվել է նաև առաջնության լավագույն բռնցքամարտիկ: Եզրափակիչում Սիմոնյանը առավելության է հասել շոտլանդացի Ռոբերտ Մքնուլտիի նկատմամբ:
Ռուսլան Ասլիկյանը նույնպես եզրափակիչում հաղթել է շոտլանդացի մրցակցի: Հայ բռնցքամարտիկն ունեցել է մեծ առավելություն և նույնիսկ 2 անգամ նոկդաունի է ենթարկել մրցակցին:
Արթուր Մկրտչյանն էլ մրցավարների միաձայն որոշմամբ հաղթել է Շվեցարիան ներկայացնող Մագդի Աբու Աբդոյին:
