28.09.2026 | 21:00
Փաշինյանի հեռացման պրոցեսը փողոցային պայքարով պիտի գեներացվի, այլընտրանք չկա․ Նինա Կարապետյանց. ՏԵՍԱՆՅՈՒԹ
Թուրքիայի նախագահը մերժել է հանդիպել ԵՄ բարձրաստիճան պաշտոնյաների հետ
Քաղաքականություն
23.11.2018 | 14:44
Եվրամիության 2 բարձրաստիճան պաշտոնյա ցանկացել են Անկարայում հանդիպել Թուրքիայի նախագահ Ռեջեփ Թայիփ Էրդողանի հետ, սակայն վերջինս մերժել է. փոխանցում է ermenihaber-ը:
Նոյեմբերի 22-ին ԵՄ արտաքին հարաբերությունների և անվտանգության քաղաքականության բարձրագույն ներկայացուցիչ Ֆեդերիկա Մոգերինին և ԵՄ հանձնակատար Յոհանես Հանը գտնվել են Անկարայում` մասնակցելու՝ «Թուրքիա-ԵՄ բարձր մակարդակի քաղաքական երկխոսություն» քննարկմանը:
Թուրքական աղբյուրի փոխանցմամբ` այդ քննարկումը տեղի է ունեցել Թուրքիայում «Օսման Քավալայի» քրգործի հետաքննության և Սելահաթթին Դեմիրթաշի բանտային կալանքի վերացման մասին Եվրադատարանի պահանջի շրջանակներում:
Մոգերինին և Հանը հանդիպել են Թուրքիայի արտգործնախարար Մևլութ Չավուշօղլուի և ԱԳՆ այլ պաշտոնյաների հետ, սակայն նկատել է տվել այն, որ Էրդողանի հետ հանդիպում տեղի չի ունեցել:
Թուրքական մեկ այլ աղբյուրի համաձայն` Էրդողանի հետ չհանդիպելու պատճառը ոչ թե ԵՄ-ի պաշտոնյաներն են եղել, այլ Էրդողանը, ով հանդիպում չի նշանակել:
