14.07.2026 | 22:11
Հայաստանն ու Էստոնիան քննարկել են մասնագիտական կրթության ոլորտում համագործակցության ընդլայնումը
ՆԳՆ-ից հերքում են Գագիկ Ծառուկյանի՝ 52 պարեկի աշխատանքից ազատման մասին հայտարարությունը
Քաղաքականություն
13.05.2026 | 16:53
Ներքին գործերի նախարարությունը հերքում է «Բարգավաճ Հայաստան» կուսակցության նախագահ Գագիկ Ծառուկյանի հայտարարությունն այն մասին, թե, իբր, Աբովյանում պարեկային ծառայության 52 ծառայող է աշխատանքից ազատվել միայն նրա համար, որ նրանց բարեկամները իր աջակիցներն են։
Factor TV-ի հետ զրույցում Ներքին գործերի նախարարության մամուլի քարտուղար Նարեկ Սարգսյանը հերքեց Ծառուկյանի այդ հայտարարությունը․ «Նշված հայտարարությունն ապատեղեկատվություն է, չի համապատասխանում իրականությանը»։
«Աբովյանում, Կոտայքի մարզում 52 հատ պարեկի գործից հանել են, որ մարդը քննություն էլ է հանձնել, ատեստացիա էլ, որ հայրը իմ աշխատողն ա, որ աներն իմ կողմնակիցն ա, եղբայրը իմ կողմնակիցն ա։ Մարդը իմ հետ կապ չունի, պարեկը, բայց հայրը 20 տարի իմ մոտ աշխատել է»,-ասել է նա։
Եվգենյա Համբարձումյան
