11.08.2026 | 16:59
Ատրճանակներ, դանակներ, կռփազենք և թմրանյութ․ ՆԳՆ ոստիկանությունը ուժեղացված ծառայությունն է իրականացրել
Վարդան Համբարձումյանն ընտրվել է Հանրային խորհրդի Գյուղատնտեսական հարցերի հանձնաժողովի նախագահ
23.11.2018 | 11:34
Հանրային խորհրդի Գյուղատնտեսական հարցերի հանձնաժողովը նոր նախագահ ունի։ Ս.թ. նոյեմբերի 22-ին տեղի է ունեցել հանձնաժողովի նիստ, որի ընթացքում նախագահի թեկնածու առաջադրված 5 անդամներից ձայների գերակշիռ առավելությամբ հանձնաժողովի նախագահ է ընտրվել Գյուղատնտեսական ասոցիացիաների ֆեդերացիայի նախագահ, «Ռազմավարական զարգացման գործակալություն» հասարակական կազմակերպության ՏԻՄ զարգացման դեպարտամենտի տնօրեն Վարդան Համբարձումյանը։
Իր ելույթում անդրադառնալով գյուղատնտեսական ոլորտի խնդիրներին և ոլորտի զարգացման իր տեսլականին՝ Վարդան Համբարձումյանը շեշտել է գյուղատնտեսական ազգային ծրագրի ստեղծման անհրաժեշտությունը։ Ըստ նրա՝ գյուղատնտեսության զարգացումը պետք է հիմնված լինի երեք կարևոր սյուների վրա՝ արտադրություն, գիտակարթական համակարգ և քաղաքականություն մշակող մարմին՝ պետություն, որոնց փոխշահավետ համագործակցության արդյունքում միայն հարավոր կլինի զարգացնել ոլորտը։
Վարդան Համբարձումյանը նախորդ տարիներին ներգրավված է եղել Հանրային խորհրդի գյուղատնտեսական հանձնաժողովում։ Իբրև հանձնաժողովի կատարած աշխատանքների հաջողված օրինակ՝ նա նշել է կոոպերացիայի զարգացման գաղափարը պետության համար առաջնահերթություն դարձնելու իրողությունը։
Վարդան Համբարձումյանը գյուղատնտեսական բնագավառում բացառիկ ներդրումների համար պարգևատրվել է «Անանիա Շիրակացի»
մեդալով, ինչպես նաև Գյուղատնտեսության նախարարության ոսկե մեդալով։
մեդալով, ինչպես նաև Գյուղատնտեսության նախարարության ոսկե մեդալով։
Այսօրվա նիստը նախագահել է Հանրային խորհրդի անդամ Յուրի Ջավադյանը, նիստը վարել են նաև ՀԽ անդամներ Անահիտ Աղոյանը և Բաբկեն Պիպոյանը։
Նիստն անցկացվել է Հայաստանի Ագրարային համալսարանում, որին ներկա է գտնվել համալսարանի ռեկտոր Վարդան Ուռուտյանը։ Վերջինս բարձր է գնահատել գյուղատնտեսության ոլորտում Հանրային խորհրդի գործունեությունը և խոստացել, որ համալսարանը սերտորեն կհամագործակցի ՀԽ Գյուղատնտեսական հարցերի հանձնաժողովի հետ։
Հիշեցնենք, որ ս.թ. սեպտեմբերի 6-ին ՀՀ կառավարության նիստում հաստատվեցին Հանրային խորհրդի առաջին 15 անդամները, որից հետո, հոկտեմբերի 9-ին սկսվեց Հանրային խորհրդի 15 հանձնաժողովների ձևավորման գործընթացը։ Հանրային խորհուրդը հայտարարությամբ դիմեց հասարակության լայն շերտերին՝ ներգրավվելու ՀԽ հանձնաժողովների աշխատանքներում (դիմումների վերջնաժամկետը ս․թ․ նոյեմբերի 8-ն էր):
Հանձնաժողովների նախագահների ընտրությունից հետո նորընտիր նախագահների կազմը ներկայացվում է ՀՀ վարչապետին Հանրային խորհրդի անդամ նշանակելու համար: Այդպիսով, Հանրային խորհրդի 45 հոգանոց կազմը համալրվում է հաջորդ 15 անդամով, որից հետո 30 անդամներից յուրաքանչյուրը, նպատակ ունենալով ապահովել հասարակության տարբեր ոլորտների մասնագետների լայն ներկայացվածությունը Հանրային խորհրդում, առաջադրում են թեկնածուներ և փակ, գաղտնի քվեարկությամբ ընտրում ՀԽ հաջորդ 15 անդամներին՝ ամբողջացնելով Հանրային խորհրդի 45 հոգանոց կազմը։
