13.05.2026 | 22:50
Հռոմ․ Կարեն Խաչանովը պարտվեց Կասպեր Ռուդին․ ՏԵՍԱՆՅՈՒԹ
ԱՄՆ-ի և Չինաստանի առևտրային ներկայացուցիչները բանակցություններ են վարել Թրամփ-Սի գագաթնաժողովից առաջ
Քաղաքականություն
13.05.2026 | 17:20
ԱՄՆ-ի և Չինաստանի բարձրաստիճան առևտրային պատվիրակությունները չորեքշաբթի բանակցություններ են անցկացրել Հարավային Կորեայում՝ ԱՄՆ նախագահ Դոնալդ Թրամփի և Չինաստանի առաջնորդ Սի Ցզինպինի միջև երկար սպասված գագաթնաժողովից առաջ։ Այս մասին հաղորդում են չինական պետական լրատվամիջոցները, փոխանցում է CNN-ը։
«Երկու կողմերն անցկացրել են անկեղծ, խորը և կառուցողական քննարկումներ՝ փոխադարձ հետաքրքրություն ներկայացնող տնտեսական և առևտրային հարցերի լուծման և գործնական համագործակցության հետագա ընդլայնման վերաբերյալ»,- հաղորդել է չինական պետական CCTV հեռուստաալիքը՝ առանց մանրամասնելու քննարկված կոնկրետ հարցերը։
Պատվիրակությունները գլխավորել են ԱՄՆ ֆինանսների նախարար Սքոթ Բեսենթը և Չինաստանի փոխվարչապետ Հե Լիֆենգը։ Բեսենթը Հարավային Կորեա է ժամանել Ճապոնիայից և, ինչպես սպասվում է, կմեկնի Պեկին՝ Թրամփին միանալու Չինաստան կատարած այցի ընթացքում։
Հաղորդվում է նաև, որ Թրամփի հետ Չինաստանում կլինեն մի քանի հայտնի բարձրաստիճան գործադիր տնօրեններ, այդ թվում՝ Nvidia-ի Ջենսեն Հուանգը, Tesla-ի հիմնադիր Էլոն Մասկը, Apple-ի ղեկավար Թիմ Քուքը, BlackRock-ից Լարի Ֆինկը և Blackstone-ից Սթիվ Շվարցմանը։
Թարգմանությունը՝ Էմմա Չոբանյանի
