27.07.2026 | 11:32
Թրամփը «որոշակի տարածք» է տալիս Իրանի հետ բանակցություններին․ հարվածները դադարեցվել են
Հանս-Դիտեր Ֆլիկ․ «Երբեք չեմ մոռանա այս օրը»
11.05.2026 | 15:34
«Բարսելոնայի» գլխավոր մարզիչ Հանս-Դիտեր Ֆլիկը Մադրիդի «Ռեալի» նկատմամբ հաղթանակից ու երկրորդ տարին անընդմեջ Իսպանիայի չեմպիոն դառնալուց հետո կիսվել է տպավորություններով։
«Ծանր հանդիպում էր, երբեք չեմ մոռանա այս օրը։ Ինչպես գիտեք, սա ինձ համար դժվար օր էր, որը սկսվեց հորս մահով, բայց իմ թիմն անհավանական է։
Ուզում եմ շնորհակալություն հայտնել թիմին և բոլոր նրանց, ովքեր աջակցում էին մեզ։ Ամենակարևորն այն է, որ ես շատ հպարտ եմ այսպիսի հիանալի թիմով։ Շնորհակալություն ամեն ինչի համար։ Եվ հիմա, կարծում եմ, մենք պետք է տոնենք հաղթանակը։
Սա անհավանական բան է՝ չեմպիոնական տիտղոսը նվաճել այս մարզադաշտում և «Ռեալ Մադրիդի» դեմ «Էլ Կլասիկոյում»»,- գերմանացի մասնագետի խոսքը մեջբերում է Mundodeportivo-ն։
«Ռեալի» դեմ խաղից առաջ կյանքից հեռացել էր Հանս-Դիտեր Ֆլիկի հայրը։ «Արքայական ակումբը» ևս ցավակցել էր մարզիչին։
