13.05.2026 | 17:10
Կմասնակցե՞ն արդյոք քաղաքացիները հունիսի 7-ի ընտրություններին․ ՀԱՐՑՈՒՄ
Առաջարկը ողջամիտ էր. Իրանը մերժում է Թրամփի քննադատությունը
Քաղաքականություն
11.05.2026 | 15:55
ԱՄՆ-Իսրայել պատերազմը դադարեցնելու՝ Իրանի վերջին առաջարկը ողջամիտ և առատաձեռն էր, այսօր հայտարարել է Իրանի արտաքին գործերի նախարարության խոսնակ Էսմայիլ Բաղային, այն բանից հետո, երբ ԱՄՆ նախագահ Դոնալդ Թրամփը քննադատել էր այն, գրում է CNN-ը։
«Մեր տեքստում մեր առաջարկած ամեն ինչ բաղկացած էր ողջամիտ պահանջներից, պատասխանատու խնդրանքներից և առատաձեռն առաջարկներից՝ ոչ միայն Իրանի ազգային շահերի, այլև ամբողջ տարածաշրջանի և աշխարհի բարօրության, կայունության և անվտանգության համար»,- ասել է Բաղային մամուլի ասուլիսի ժամանակ։
Կիրակի Թրամփը Իրանի առաջարկն անվանել է «բացարձակապես անընդունելի»։
Թեհրանի պահանջները ներառում են տարածաշրջանում պատերազմի, Բաղայիի բնորոշմամբ՝ «իրանական նավերի դեմ ծովային ծովահենության» դադարեցում և իրանական ակտիվների ազատում, որոնք «սառեցվել են արտասահմանյան բանկերում՝ ԱՄՆ ճնշման պատճառով», ասել է իրանցի պաշտոնյան։
Իրանական պետական լրատվամիջոցները հաղորդել են, որ Իրանի պատասխանի պահանջները ներառում են նաև Հորմուզի նեղուցի նկատմամբ ինքնիշխանության ճանաչում և պատերազմական վնասների փոխհատուցում։
«Գործընթացի շարունակության վերաբերյալ մենք ցույց ենք տվել, որ անկախ բոլոր խափանումներից՝ մենք կենտրոնացած ենք Իրանի ազգային շահերի վրա։ Մենք կգործենք ցանկացած անհրաժեշտ ձևով՝ մեր շահերը ապահովելու համար»,- ասել է Բաղային՝ խոսելով Թրամփի՝ իրանական ծրագրին դեմ լինելու մասին։
Թարգմանությունը՝ Էմմա Չոբանյանի
