23.10.2026 | 23:15
«Մանկական Եվրատեսիլ»-ի քվեարկության առաջին փուլը կմեկնարկի այս գիշեր
Դրանից է կախված Արցախյան շարժումը կշարունակվի, թե չէ. Շահրամանյանը՝ ընտրությունների մասին․ ՏԵՍԱՆՅՈՒԹ
Քաղաքականություն
09.05.2026 | 12:34
«Ես ուզում եմ դիմել ՀՀ այն քաղաքացիներին, ովքեր առաջիկա ընտրություններում պետք է ընտրություն կատարեն. դրանից է կախված՝ Արցախյան շարժումը կշարունակվի՞, թե՞ չի շարունակվի»,- «Եռաբլուր» զինվորական պանթեոնում լրագրողների հետ զրույցում ասաց Արցախի վերջին նախագահ Սամվել Շահրամանյանը։
«Եվ այդպիսի հարց դրված է գործող իշխանության կողմից։ Ինձ թվում է այդ ընտրություններում մենք կունենանք հստակություն այդ հարցում»,- ասաց նա:
Շահրամանյանը չնշեց, կոնկրետ քաղաքական ուժի անուն, որին սատարում է, սակայն հստակեցրեց, որ դիրքորոշում ունի այս հարցում։ «Ես դիրքորոշում ունեմ, որն այս պահին ճիշտ չեմ համարում ասել՝ հաշվի առնելով, որ ես ՀՀ քաղաքացի չեմ հանդիսանում, ըստ ՀՀ կառավարության որոշման: Բայց արցախցիներին պետք չի ուղղորդել՝ ում ընտրեն: Իրենք շատ լավ գիտեն՝ ում չպետք է ընտրեն»,- նշեց Շահրամանյանը։
Անդրադառնալով վարչապետ Նիկոլ Փաշինյանի՝ «Ղարաբաղը ինչո՞վ էր մերը» հայտարարությանը, Շահրամանյանը նշել է, որ ՀՀ գործող իշխանությունների պահվածքն իսկապես հուշում է՝ «Արցախը իրենցը չի եղել» ։
Մանրամասները՝ տեսանյութում։
Անի Թամազյան
