13.05.2026 | 13:18
Երկաթուղային կապ ունենք մեր բարեկամ ՌԴ-ի հետ․ Փաշինյանը ներկայացնում է բալանսավորված արտաքին քաղաքականությունը․ ՏԵՍԱՆՅՈՒԹ
Ծանրորդ Էմմա Պողոսյանը՝ երիտասարդական ԱԱ-ի բրոնզե մեդալակիր
07.05.2026 | 19:05
Եվրոպայի նորընծա չեմպիոն Էմմա Պողոսյանը (86 կգ) բրոնզե մեդալակիր դարձավ Եգիպտոսում ընթացող ծանրամարտի աշխարհի երիտասարդական առաջնությունում։
Երկամարտում 19-ամյա Պողոսյանը գրանցեց 253 կգ (109+144) արդյունք։ Պոկում վարժությունից հետո Հայաստանի ներկայացուցիչը 5-րդն էր, իսկ հրում վարժությունում նվաճեց փոքր բրոնզե մեդալ։
Չեմպիոնի տիտղոսը նվաճեց Թուրքմենստանի ներկայացուցիչ Անամյան Ռուստամովան՝ երկամարտում գրանցելով 257 կգ: Երկրորդ տեղը գրավեց չինացի Լինյու Հուն՝ 256 կգ:
Ապրիլին Վրաստանի Բաթումի քաղաքում կայացած Եվրոպայի առաջնությունում Էմմա Պողոսյանը չեմպիոն էր հռչակվել երկամարտի 248 կգ արդյունքով։
Աշխարհի երիտասարդական առաջնությունում Հայաստանը երրորդ մեդալը նվաճեց երկամարտում։ Ավելի վաղ Աննա Ամրոյանը (77 կգ) նվաճել էր աշխարհի երիտասարդական չեմպիոնի կոչումը, իսկ Նարեկ Մկրտչյանը (79 կգ) դարձել էր արծաթե մեդալակիր։
Մայիսի 7-ին Հայաստանի ներկայացուցիչներից մրցահարթակ դուրս կգա նաև Վալերիկ Մովսիսյանը (94 կգ)։ Պայքարը կմեկնարկի Երևանի ժամանակով 20։00-ին։
