18.12.2025 | 17:28
Ժամերգություն Մայր Աթոռում․ ՈՒՂԻՂ
Արթուր Բաղդասարյանը դեմ է աննպատակ կոալիցիաներին ու չի բացառում ՔՊ-ի հետ կոալիցիան
22.11.2018 | 15:46
«Օրինաց երկիր» կուսակցության նախագահ Արթուր Բաղդասարյանը պնդում է, որ որոշել է իր քաղաքական թիմով մասնակցել ընտրություններին, քանի որ ունի դրա համար անհրաժեշտ մի քանի նկատառում։
«Մենք առաջինն ենք հայտարարել, որ հեղափոխությունը կապիտալիզացնելու համար ընտրություններ են պետք: Պատճառ է նաև երկրի ռազմավարական զարգացման տեսլականի բացակայությունը։ Մենք ներկայացնում ենք 50 կոնկրետ քայլ, որոնք կօգնեն կառուցել նոր Հայաստան»,- ասաց Բաղդասարյանը: Նրա գլխավորած կուսակցությունը հույս ունի, որ կարժանանա ժողովրդի վստահության քվեին, քանի որ մեծ ներուժ ունի հայրենիքն առաջ տանելու համար։
Հարցին՝ հնարավո՞ր է ընտրություններից հետո ՔՊ-ից կոալիցիա կազմելու առաջարկ ստանան և ընդունեն, ՕԵԿ առաջնորդը պատասխանեց. «Նիկոլ Փաշինյանի հետ եղել են և՛ փոխադարձ քննադատություններ, և՛ փոխադարձ համատեղ աշխատանք: Մենք խոսում ենք մի նոր ապագայի ու անցյալի մասին։ Ես վստահեցնում եմ, որ ՕԵԿ-ը երբեք չի լինի որևէ կոալիցիայում, որտեղ չի ունենա որոշումների վրա ազդելու հնարավորություն: Եթե մենք ունենանք որոշումների վրա իրական ազդեցություն, ապա կարող ենք քննարկել նման կոալիցիայի հավանականությունը որևէ քաղաքական ուժի հետ: Խոսքը չի վերաբերում միայն «Քաղաքացիական պայմանագրին։ Մենք աննպատակ կոալիցիաներին դեմ ենք, որտեղ խանդը սիրուց ուժեղ է»:
