22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Դավիթ Վիրաբյանը ԱԳՆ կենտրոնական ապարատում զբաղեցնելու է կարեւոր եւ բարձր պաշտոն. Աննա Նաղդալյան
Քաղաքականություն
22.11.2018 | 14:37
ՀՀ ԱԳՆ մամուլի խոսնակ Աննա Նաղդալյանը ֆեյսբուքյան իր էջում, անդրադառնալով Վիկտոր Բիյագովի՝ ՀԱՊԿ-ում ՀՀ մշտական եւ լիազոր ներկայացուցիչ նշանակմանը, գրել է, որ հետ կանչված Դավիթ Վիրաբյանը ԱԳՆ կենտրոնական ապարատում զբաղեցնելու է կարեւոր եւ բարձր պաշտոն:
Նա, մասնավորապես, նշել է.
«Վիկտոր Բիյագովը նշանակվել է ՀԱՊԿ-ում ՀՀ մշտական եւ լիազոր ներկայացուցիչ:
Դեսպանների հետկանչումը եւ նշանակումը բնականոն եւ շարունակական գործընթաց է, այն իրականցվում է նախապես պլանավորված ռոտացիայի արդյունքում եւ այստեղ այլ ենթատեքստ պետք չէ փնտրել:
Դավիթ Վիրաբյանը ԱԳՆ կենտրոնական ապարատում զբաղեցնելու է կարեւոր եւ բարձր պաշտոն՝ մայրաքաղաքից համակարգելով նաեւ այն ուղղությունը, որն իրականացնում էր որպես ՀԱՊԿ-ում ՀՀ մշտական ներկայացուցիչ:
Եվ պարոն Վիրաբյանը, եւ պարոն Բիյագովն ունեն մասնագիտական բարձր պատրաստվածություն եւ մեր դիվանագիտական անձնակազմի պրոֆեսիոնալիզմը, կարողությունները եւ արդյունավետությունը չպետք է որեւէ մեկի մոտ կասկած հարուցեն:
Շնորհավորում ենք մեր գործընկերներին եւ ցանկանում ամենայն հաջողություն իրենց բոլոր նախաձեռնություններում»:
