12.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
«Արսենալի» դարպասապահը երրորդ տարին անընդմեջ կարժանանա «Ոսկե ձեռնոց» մրցանակին
05.05.2026 | 16:44
Լոնդոնի «Արսենալի» իսպանացի դարպասապահ Դավիդ Ռայան երրորդ տարին անընդմեջ կճանաչվի Անգլիայի Պրեմիեր լիգայի լավագույն դարպասապահ։
«Ֆուլհեմի» դեմ 35-րդ տուրի խաղում (3:0) 30-ամյա դարպասապահը 17-րդ «չոր» հանդիպումն է անցկացրել ընթացիկ առաջնությունում, ինչի շնորհիվ կարժանանա «Ոսկե ձեռնոց» մրցանակին, տեղեկացնում է Goal.com-ը։
Ռայային կարող է հավասարվել միայն «Մանչեսթեր Սիթիի» իտալացի դարպասապահ Ջանլուիջի Դոնարուման, որն անցկացրել է 13 «չոր» հանդիպում։ Եթե վերջին 4 խաղում Դոնարուման անառիկ պահի դարպասը, իսկ Ռայան գոլ բաց թողնի 3 հանդիպում անընդմեջ, մրցանակը բաժին կհասնի երկու դարպասապահներին։
Դավիդ Ռայան պատմության մեջ չորրորդ դարպասապահն է, որը երրորդ տարին անընդմեջ արժանանում է «Ոսկե ձեռնոց» մրցանակին։ Նախկինում նման հաջողության հասել էին միայն իսպանացի Պեպե Ռեյնան, անգլիացի Ջո Հարթը և բրազիլացի Էդերսոնը։
Իսպանիայի հավաքականի դարպասապահը 2023 թվականից է խաղում «Արսենալում»։
