17.08.2026 | 10:46
Թավրիզ–Երևան չվերթները երկու տարվա դադարից հետո կվերականգնվեն
ՀՀ-ի և Ադրբեջանի միջև արդեն իսկ առևտրատնտեսական հարաբերություններ են հաստատվել․ Ալիև
Քաղաքականություն
05.05.2026 | 16:19
Ադրբեջանի նախագահ Իլհամ Ալիևը Բաքվում ընդունել է Միջխորհրդարանական միության գլխավոր քարտուղար Մարտին Չունգոնգին: Ադրբեջանական կողմի հաղորդմամբ՝ Չունգոնգը շնորհավորել է Ալիևին Ադրբեջանի և Հայաստանի միջև խաղաղության օրակարգի առաջխաղացման գործում նվաճումների, ինչպես նաև «երկրի տարածքային ամբողջականության և ինքնիշխանության վերականգնման կապակցությամբ»։
Նշելով Վաշինգտոնում Ադրբեջանի և Հայաստանի միջև խաղաղության օրակարգի շուրջ ձեռք բերված հաջողությունները՝ Ալիևը հայտարարել է, որ երկու երկրների միջև արդեն իսկ հաստատվել են առևտրատնտեսական հարաբերություններ։ Նա հավելել է, թե Ադրբեջանը միակողմանիորեն վերացրել է Հայաստան մեկնող տարանցիկ բեռների սահմանափակումները։
Ադրբեջանի նախագահի մասնակցությունը տեսակապի միջոցով Երևանում կայացած Եվրոպական քաղաքական համայնքի 8-րդ գագաթնաժողովին համարվել է պատմական իրադարձություն՝ ուղղված երկու երկրների միջև հարաբերությունների կարգավորմանը։
Ի դեպ, ադրբեջանական կողմի հաղորդագրությունությունում Հայաստանի մայրաքաղաքը նշված է «Իրևան»։
Ալիևը բարձր է գնահատել Միջխորհրդարանական միության դերը Ադրբեջանի և Հայաստանի միջև խորհրդարանական երկխոսության համար պայմաններ ստեղծելու, ինչպես նաև խաղաղության գործընթացը քննարկելու համար Ադրբեջանի և Հայաստանի խորհրդարանների խոսնակների միջև կանոնավոր հանդիպումներ անցկացնելու գործում։
Թարգմանությունը՝ Էմմա Չոբանյանի
