14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
Քննարկեցինք, թե ինչպես պետք է ժողովրդավարությունները պայքարեն հիբրիդային սպառնալիքների դեմ․ Փաշինյան․ ՏԵՍԱՆՅՈՒԹ
Քաղաքականություն
04.05.2026 | 18:05
«Ուրախ եմ տեղեկացնել, որ Եվրոպական քաղաքական համայնքի 8-րդ գագաթնաժողովն այսօր Երևանում հաջողությամբ ավարտեց իր աշխատանքները՝ համախմբելով առաջնորդների ողջ մայրցամաքից և դրա սահմաններից դուրս»,- հայտարարեց Նիկոլ Փաշինյանը։
«Այսօրվա քննարկումները հաստատեցին, որ աշխարհում աճող մարտահրավերների պայմաններում առկա է անկեղծ երկխոսության և գործնական որոշումների անհրաժեշտություն՝ տարբեր տարածաշրջաններում խաղաղությունն ու կայունությունն ընդլայնելու համար։ Մենք կենտրոնացել ենք անվտանգության և կայունության, փոխկապակցվածության, տարածաշրջանային համագործակցության, տնտեսական դիմակայունության, էներգետիկայի և «կանաչ» անցման հարցերի վրա»,- գագաթնաժողովի արդյունքներն ամփոփող ելույթում նշեց Նիկոլ Փաշինյանը։
Վարչապետը անդրադարձավ նաև Հարավային Կովկասում խաղաղության հաստատման անհրաժեշտությանը։
«Տևական խաղաղությունը, հարաբերությունների կարգավորումը և սահմանների բացումը ոչ միայն օգուտ կբերեն տարածաշրջանին, այլև կամրապնդեն կապերն ու համագործակցությունը եվրոպական ավելի լայն տարածքում և դրանից դուրս։ Իհարկե, մենք այսօր քննարկել ենք նաև, թե ինչպես պետք է ժողովրդավարությունները պայքարեն հիբրիդային կամ բազմակողմանի սպառնալիքների դեմ»,- ընդգծեց վարչապետը։
Մանրամասները՝ տեսանյութում։
