16.12.2025 | 16:15
Ամոթ է ուսադիր կրող մարդու համար․ Պապիկյանը՝ պահեստազորի փոխգնդապետի հայտարարության մասին. ՏԵՍԱՆՅՈՒԹ
Լենա Նազարյանի հիշեցումը՝ Արփինե Հովհաննիսյանին
21.11.2018 | 22:28
Ազգային ժողովի Ելք խմբակցության ղեկավար Լենա Նազարյանը Ֆեյսբուքի իր էջում անդրադարձել է երկու օր առաջ ԱԺ փոխնախագահ Արփինե Հովհաննիսյանի հայտարարությանն արտագնա աշխատանքի մեկնածներին հարկելու վերաբերյալ:
Նազարյանը Ֆեյսբուքի իր էջում գրել է. «Արտագնա աշխատանքի մեկնած քաղաքացիների եկամուտների հարկման թեմայի հետ կապված հստակ միայն երկու բան է հայտնի.
Դեռևս 2015 թվականին Ազգային Ժողովը «Եկամտային հարկի մասին» օրենքնում ընդունեց լրացում, որով 13 տոկոս եկամտային հարկ սահմանեց այն վարձու աշխատողների համար, որոնք իրենց գործատուների հետ կնքած պայմանագրով աշխատում են ՀՀ սահմաններից դուրս և իրականացնում են շինաշխատանքներ: Այս լրացմանը, ի դեպ, կողմ է քվեարկել նաև տիկին Աիփինե Հովհաննիսյանը, որը հիմա անթույլատրելի է համարում խոցելի խավի հարկումը:
Եվ երկրորդը, ՀՀ ԿԱ պետական եկամուտների կոմիտեն չունի, չի ներկայացրել և դեռևս չի էլ պլանավորում որևէ նախագիծ, որը կանդրադառնա արտագնա աշխատանքի մեկնած ֆիզիկական անձանց եկամուտների հարկման մեխանիզմներին»:
