02.07.2026 | 12:25
Դուք շուտով կստանաք լրացուցիչ 18 մլն եվրո՝ օգնելու բազմազանեցնել առևտուրը․ Ուրսուլա ֆոն դեր Լայեն․ ՏԵՍԱՆՅՈՒԹ
Թրամփը որոշել է Գերմանիայից դուրս բերել 5000 զինծառայողի՝ Մերցի հետ վիճաբանության ֆոնին․ Reuters
Քաղաքականություն
02.05.2026 | 16:41
Պենտագոնը դուրս կբերի Գերմանիայից՝ ՆԱՏՕ-ում իր դաշնակից երկրից, 5000 զինծառայողի, հայտնում է Reuters-ը՝ հղում անելով ամերիկացի պաշտոնյայի, ով խոսել է անանունության պայմանով։ Նրա խոսքով՝ Գերմանիայի իշխանությունների վերջին հայտարարությունները «անտեղի» էին․ «Նախագահը արդարացիորեն արձագանքում է այդ հակաարդյունավետ մեկնաբանություններին»։
Ավելի վաղ այս շաբաթ ԱՄՆ նախագահ Դոնալդ Թրամփը սպառնացել էր կրճատել Գերմանիայում ամերիկյան զորքերի թվաքանակը։ Դա տեղի է ունեցել այն բանից հետո, երբ Գերմանիայի կանցլեր Ֆրիդրիխ Մերցը, մեկնաբանելով ԱՄՆ-ի և Իրանի միջև հակամարտությունը, հայտարարել էր, որ «ամերիկացիները, ակնհայտորեն, չունեն որևէ ռազմավարություն»։
«Այս պատմությունը, ինչպես արդեն ասել եմ, առնվազն չմտածված է, և ես այժմ չեմ տեսնում, թե ինչ ռազմավարական ելք կընտրեն ամերիկացիները, առավել ևս, որ իրանցիները, ըստ երևույթին, շատ հմտորեն վարում են բանակցությունները կամ շատ հմտորեն չեն վարում դրանք»,- ասել է Մերցը։ Ի պատասխան՝ Թրամփը քննադատել է կանցլերին։
Ներկայումս Գերմանիայում տեղակայված է մոտ 35 հազար ամերիկացի զինծառայող՝ սա Եվրոպայում ամենամեծ թիվն է։ Reuters-ի զրուցակցի խոսքով՝ զորքերի մի մասի դուրսբերումից հետո նրանց թիվը կվերադառնա մինչև 2022 թվականը եղած մակարդակին։
Թրամփը նախկինում ևս փորձել էր կրճատել Գերմանիայում ամերիկյան զորքերի թվաքանակը։ Իր առաջին նախագահական ժամկետի վերջում նա խոսել էր 12 հազար զինծառայողի դուրսբերման անհրաժեշտության մասին, սակայն դա չի իրականացվել։ 2020 թվականի ընտրություններում Թրամփը պարտվել է, և նրան Սպիտակ տանը փոխարինած Ջո Բայդենը չեղարկել էր այդ ծրագիրը։
