04.06.2026 | 17:37
Ում օգտին կքվեարկեն ՀՀ քաղաքացիները, եթե ընտրությունները լինեն վաղը․ ArmES նոր հարցման տվյալները
Վիտկոֆը և Քուշները չեն մեկնում Կիև՝ բանակցություններում փակուղու պատճառով
Քաղաքականություն
02.05.2026 | 12:13
Դոնալդ Թրամփի հատուկ դեսպանորդներ Ջարեդ Քուշները և Սթիվեն Վիտկոֆը «չեն շտապում» այցելել Կիև, քանի որ Վաշինգտոնը վստահ չէ, թե արդյոք ԱՄՆ-ի մասնակցությունը Ուկրաինայի դեմ Ռուսաստանի պատերազմը դադարեցնելու բանակցություններին կհանգեցնի ցանկալի արդյունքների։ Այս մասին ուրբաթ՝ մայիսի 1-ին, հայտնել է ուկրաինական անգլալեզու The Kyiv Independent (KI) հրատարակությունը՝ հղում անելով աղբյուրներին. գրում է DW-ին։
«Նրանք բազմիցս խոստացել են [այցելել Կիև – խմբ.], բայց դեռ չեն արել դա», – լրագրողներին ասել է իրավիճակին ծանոթ ուկրաինացի բարձրաստիճան պաշտոնյան։
Հրապարակման աղբյուրներից մեկի համաձայն՝ այս այցը նախատեսված էր «խթանելու» Ռուսաստանի, Ուկրաինայի և Միացյալ Նահանգների միջև պատերազմը դադարեցնելու եռակողմ բանակցությունների վերսկսումը, որոնք «փաստացի փակուղի էին մտել»։ Դրանք սառեցված էին ավելի քան երկու ամիս՝ Միացյալ Նահանգների ուշադրության կենտրոնացման Իրանի դեմ պատերազմի վրա տեղափոխվելու պատճառով։
