01.05.2026 | 18:20
Եկեղեցու՝ Գևորգ եպիսկոպոս Սարոյանի գործով 154 մլն դրամի հակընդդեմ ապահովում կիրառելու վերաբերյալ միջնորդությունը մերժվել է
ՖԻՖԱ-ի նախագահը հաստատել է՝ Իրանը կմասնակցի ԱԱ-2026-ին․ Դոնալդ Թրամփն արձագանքել է
01.05.2026 | 11:33
Ֆուտբոլի միջազգային ֆեդերացիայի (ՖԻՖԱ) նախագահ Ջանի Ինֆանտինոն պաշտոնապես հաստատել է, որ Իրանի հավաքականը մասնակցելու է 2026թ․ աշխարհի առաջնությանը։
«Իրանի հավաքականը կլինի աշխարհի առաջնությունում և կխաղա ԱՄՆ-ում։ Մենք պետք է միավորենք մարդկանց։ Ֆուտբոլը միավորում է»,- Ջանի Ինֆանտինոյի խոսքը մեջբերում է Usatoday.com-ը։
ԱՄՆ նախագահ Դոնալդ Թրամփը ևս արձագանքել է Ջանի Ինֆանտինոյի հայտարարությանը։
«Եթե Ջանին այդպես է ասել, ես դեմ չեմ։ Նրանք լավ թիմ ո՞ւնեն․ անկեղծ ասած, դժվար է հավատալ դրան»,- ասել է Թրամփը։
Հիշեցնենք, որ Մերձավոր Արևելքում ստեղծված լարված իրավիճակի ֆոնին Իրանում հայտարարել էին, որ կարող են չմասնակցել ԱԱ-2026-ին, որը կայանալու է հունիսի 11-ից հուլիսի 19-ին ԱՄՆ-ում, Կանադայում ու Մեքսիկայում։ Առաջին անգամ Մունդիալին կմասնակցի 48 հավաքական։ Իրանի հավաքականն ընդգրկված է G խմբում, որտեղ մրցակիցները կլինեն Բելգիան, Եգիպտոսը և Նոր Զելանդիան։ Խմբային փուլում իրանցիների բոլոր խաղերը նախատեսված են ԱՄՆ-ում։
