17.08.2026 | 12:26
Բրյուսովի համալսարանին հանձնված գույքի ապօրինի օտարման գործով 3 անձի վարույթն ուղարկվել է դատախազին
Բեռնատարների հայ վարորդների՝ ՌԴ-ում գտնվելու ժամկետները երկարաձգվել են
Քաղաքականություն
29.04.2026 | 15:35
Ռուսաստանի կառավարությունը որոշում է ընդունել, որով երկարաձգվում է ՌԴ-ում օտարերկրյա քաղաքացիների որոշակի կատեգորիայի ժամանակավոր գտնվելու ժամկետը։ Այն վերաբերում է միջազգային բեռնափոխադրումներ իրականացնող վարորդներին։
Համաձայն «Ռուսաստանի Դաշնությունում օտարերկրյա քաղաքացիների իրավական կարգավիճակի մասին» դաշնային օրենքի 5-րդ հոդվածի՝ Ռուսաստանի Դաշնության կառավարությունը որոշել է՝ Անկախ Պետությունների Համագործակցության քաղաքացիների, ինչպես նաև Վրաստանի այն քաղաքացիների համար, որոնք միջազգային ավտոմոբիլային փոխադրումներ իրականացնող պրոֆեսիոնալ վարորդներ են և Ռուսաստանի Դաշնություն են ժամանել առանց վիզայի, Ռուսաստանի Դաշնությունում ժամանակավոր գտնվելու ժամկետը երկարաձգել մինչև ընդհանուր առմամբ 180 օր մեկ օրացուցային տարվա ընթացքում, եթե այդ օտարերկրյա քաղաքացիները սահմանված կարգով ներկայացնեն դիմում ՌԴ մուտք գործելու և ՌԴ-ում մնալու (բնակվելու) համար։
Նշվում է, որ սույն որոշումն ուժի մեջ է մտնում 2026 թվականի հունիսի 30-ից։
Հիշեցնենք, որ դեպի ՌԴ բեռնափոխադրում իրականացնող հայ վարորդները ավելի վաղ բողոքում էին ՌԴ-ում առկա սահմանափակումներից։ Ռուսաստանի հետ առանց վիզայի ռեժիմ ունեցող երկրների քաղաքացիների համար 2025 թվականի հունվարի 1-ից նոր սահմանափակումներ էին գործում։ Չաշխատելու նպատակով ՌԴ մուտք գործողները մեկ օրացուցային տարվա ընթացքում չէին կարող գումարային 90 օրից ավելի գտնվել երկրի տարածքում։
Թարգմանությունը՝ Էմմա Չոբանյանի
