16.11.2024 | 16:41
Հայաստանի ազգային հավաքականը մեկնել է Lատվիա
Գաղտնալսման հարցով քննիչ հանձնաժողովն այլևս չի կարող աշխատել. Գևորգ Կոստանյան. ՏԵՍԱՆՅՈՒԹ
Քաղաքականություն
21.11.2018 | 15:36
Գաղտնալսման հարցով քննիչ հանձնաժողովն այլևս չի կարող աշխատել: Այս մասին այսօր՝ նոյեմբերի 21-ին, ՀՀ Ազգային ժողովում լրագրողների հետ զրույցում հայտարարեց հանձնաժողովի նախագահ, ՀՀԿ-ական պատգամավոր Գևորգ Կոստանյանը:
«Հանձնաժողովի անդամներից յուրաքանչյուրի հետ ես քննարկել եմ իրենց մասնակցության հնարավորության հարցը, և եկել ենք եզրակացության, որ, ցավոք, քվորումի ապահովման խնդիր կա, չենք կարողանում քվորում ապահովել՝ բավական օբյեկտիվ պատճառով»,- նշեց նա:
Գևորգ Կոստանյանը հույս ունի, որ հաջորդ խորհրդարանը կանդրադառնա այս խնդրին. «Որովհետև սա ազգային, պետական անվտանգության խնդիր է և պայմանավորված չէ կուսակցական կամ քաղաքական շահերով կամ նպատակահարմարությամբ: Եվ ես համոզված եմ, որ հաջորդ խորհրդարանում ևս կստեղծվի քննիչ հանձնաժողով»: Ինքը՝ Կոստանյանը, սակայն, նոր հանձնաժողովում արդեն ներգրավված չի լինի, քանի որ, հիշեցրեց, որևէ ընտրացուցակով չի առաջադրվել առաջիկա խորհրդարանական ընտրություններում:
Մանրամասները՝ տեսանյութում:
