02.07.2026 | 17:23
Նիկոլ Փաշինյանի ճեպազրույցը՝ ՈՒՂԻՂ
Մոսկվայի հյուսիսում կառուցվող շենքում հրդեհ է բռնկվել. յոթ մարդ զոհվել է
Քաղաքականություն
28.04.2026 | 16:59
Մոսկվայի հյուսիսում բռնկված հրդեհի հետևանքով 7 մարդ զոհվել է, 13-ը՝ վիրավորվել, հայտնել են արտակարգ ծառայությունները։ Հրդեհը բռնկվել է կառուցվող բնակելի շենքում։ Հրդեհվել են շենքի երկրորդ և երրորդ հարկերը, գրում է Meduza-ն։
Սկզբում հրդեհին տրվել է բարդության հինգերորդ՝ ամենաբարձր մակարդակ, սակայն հետագայում այն իջեցվել է մինչև չորրորդ մակարդակ։ Կրակը տարածվել է 1400 քառակուսի մետր տարածքի վրա և արդեն մարվել է։ Հրդեհաշիջման աշխատանքներին մասնակցել է 120 մարդ և 30 միավոր տեխնիկա։
Ռուսաստանի արտակարգ իրավիճակների նախարարության մամուլի ծառայության տվյալներով՝ այրվող շենքի ներսում կարող էր լինել ավելի քան 200 մարդ։ Վերջին տեղեկությունների համաձայն՝ շինհրապարակից փրկվել է 31 մարդ։
Հարուցվել է քրեական գործ՝ շինարարական աշխատանքների ժամանակ անվտանգության կանոնների խախտման համար (Ռուսաստանի քրեական օրենսգրքի 216-րդ հոդվածի 3-րդ մաս)։ Հրդեհի պատճառը չի նշվում։
Թարգմանությունը՝ Էմմա Չոբանյանի
