17.08.2026 | 13:42
Քարի լճի տարածքում աղբի կուտակումների դեպքով վարչական վարույթ է հարուցվել
ՀՔԱՎ-ը ահազանգում է ընտրովի արդարադատության մասին․ քրեական վարույթ է նախաձեռնվել միայն Ուրիխանյանի հրապարակումների հիմքով
27.04.2026 | 20:27
Հելսինկյան քաղաքացիական ասամբլեայի Վանաձորի գրասենյակը նախընտրական շրջանում հանրային հայտարարությունների վերաբերյալ մի շարք հաղորդումներ է ներկայացրել ՀՀ գլխավոր դատախազություն՝ պնդելով, որ դրանցում կարող են պարունակվել քրեորեն հետապնդելի արարքների հատկանիշներ։
Կազմակերպությունը հաղորդումներ է ներկայացրել, մասնավորապես, ԱԺ նախագահ Ալեն Սիմոնյանի, Տիգրան Ուրիխանյանի, ԱԺ պատգամավոր Աննա Մկրտչյանի, ինչպես նաև վարչապետ Նիկոլ Փաշինյանին պետական դավաճանության մեջ մեղադրող հրապարակային պնդումների և «Տելեգրամ»-ի @bagramyan26 օգտահաշվի տարածած տեղեկությունների առնչությամբ։
ՀՔԱՎ-ի փոխանցմամբ՝ գրեթե նույնական փաստական հիմքեր ունեցող հաղորդումներից քրեական վարույթ է նախաձեռնվել միայն երկուսի հիման վրա, որոնք վերաբերում են Տիգրան Ուրիխանյանի հրապարակումներին։ Կազմակերպությունը նշում է, որ իրավասու մարմինների նման տարբերակված արձագանքը հիմնավոր կասկածներ է առաջացնում ընտրովի արդարադատության կիրառման վերաբերյալ։
ՀՔԱ Վանաձորի գրասենյակը շեշտում է՝ եթե հնչեցված մեղադրանքներն ունեն փաստական հիմքեր, ապա դրանք պետք է քննվեն, իսկ եթե անհիմն են, ապա կարող է խոսք լինել հանցագործության մասին սուտ մատնության վերաբերյալ։ Երկու դեպքում էլ, ըստ կազմակերպության, իրավապահները պարտավոր են գործել օրենքի առջև բոլորի հավասար պատասխանատվության սկզբունքով։
Կազմակերպությունը հայտնել է, որ հետևողական է լինելու գործերի հետագա ընթացքին և դատական զարգացումների վերաբերյալ լրացուցիչ տեղեկատվություն կհրապարակի։
Մանրամասները՝ սկզբնաղբյուրում։
