Հասարակություն
26.04.2026 | 16:24
Մեզ Միջերկրական ծովի շրջաններից մոտենում է հերթական ցիկլոնը, այն կներթափանցի այսօր ուշ երեկոյան ժամերին և Հայաստանի տարածքի վրա կպտտվի առաջիկա հինգ օրերի ընթացքում։ Այս մասին հայտնում է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։
«Հատկապես գիշերը և հետկեսօրյա ժամերին հանրապետության առանձին շրջաններում կդիտվեն ամպրոպային բնույթի կարճատև անձրևներ։ Բայց, համեմատած նախորդ պրոցեսների հետ, այս պրոցեսի տարբերությունն այն է, որ, կրկնում եմ, անձրևները կլինեն կարճատև։ Այսինքն՝ օրվա ընթացքում և՛ կունենանք անձրևի առկայություն, և՛ արևի առկայություն։
Օդի ջերմաստիճանը ապրիլի 27-ից 29-ին և՛ գիշերը, և՛ ցերեկը հանրապետության ողջ տարածքում կնվազի 4-ից 6 աստիճանով, բայց ապրիլի 30-ից մայիսի 1-ին այն նույնքանով կբարձրանա»,-նշել է նա։
Տեսանյութը՝ այստեղ։
