26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Արսեն Հարությունյանը՝ ըմբշամարտի Եվրոպայի առաջնության բրոնզե մեդալակիր
26.04.2026 | 19:14
Արսեն Հարությունյանը (61 կգ) դարձավ Ալբանիայի մայրաքաղաք Տիրանայում ավարտին մոտեցող ազատ ոճի ըմբշամարտի Եվրոպայի առաջնության բրոնզե մեդալակիր։
26-ամյա ըմբիշը բրոնզե մեդալը վիճարկեց Բելառուսի ներկայացուցիչ Դմիտրի Շամելայի հետ ու վստահ հաղթանակ տարավ 7:2 հաշվով։
Արսեն Հարությունյանը պայքարը սկսել էր որակավորման փուլից, որտեղ ժամանակից շուտ 11։0 հաշվով հաղթել էր Հյուսիսային Մակեդոնիայի ներկայացուցիչ Վլադիմիր Եգորովին, քառորդ եզրափակիչում 11։1 հաշվով պարտության էր մատնել ուկրաինացի Կամիլ Կերիմովին, իսկ կիսաեզրափակիչում տուշեով պարտվել էր Տոկիոյի Օլիմպիական խաղերի ոսկե մեդալակիր, աշխարհի ու Եվրոպայի գործող չեմպիոն Զաուր Ուգուևին։
Աշխարհի առաջնության քառակի բրոնզե մեդալակիր Արսեն Հարությունյանը ԵԱ-ում բրոնզե մեդալի արժանացել էր նաև 2020-ին, անցյալ տարի դարձել էր փոխչեմպիոն, իսկ 2019, 2022, 2023 ու 2024 թվականներին նվաճել է չեմպիոնի տիտղոսը։
Սա ազատ ոճի ըմբշամարտի Հայաստանի հավաքականի երրորդ մեդալն էր Եվրոպայի առաջնությունում։ Ավելի վաղ բրոնզե մեդալակիր էին դարձել նաև Մանվել Խնձրցյանը (57 կգ) և Վազգեն Թևանյանը (65 կգ)։
Ապրիլի 26-ին բրոնզե մեդալի համար կգոտեմարտի նաև Խաչատուր Խաչատրյանը (125 կգ), իսկ Մուշեղ Մկրտչյանը (92 կգ) պարտվել է սփոփիչ գոտեմարտում ու դուրս մնացել պայքարից։
