17.12.2025 | 23:03
Պուտինը հայտարարել է «պատմական հողերը» ռազմական ճանապարհով գրավելու իր մտադրության մասին
ԱԺ արտահերթ ընտրություններում ԱՊՀ դիտորդական առաքելությունը նոյեմբերի 22-ից կսկսի աշխատանքը
Քաղաքականություն
20.11.2018 | 17:11
Հայաստանի արտահերթ խորհրդարանական ընտրություններում ԱՊՀ դիտորդական առաքելությունը նոյեմբերի 22-ից կսկսի աշխատանքը: ԲԵԼՏԱ-ի փոխանցմամբ՝ այս մասին Մինսկում լրագրողների հետ զրույցում տեղեկացրել է ԱՊՀ գործադիր քարտուղարի առաջին տեղակալ Վիկտոր Գումինսկին:
«Ծրագրվում է, որ ԱՊՀ առաքելությունն ու գրասենյակը նոյեմբերի 22-ից Երևանում աշխատանքը կսկսի Հայաստանի ԿԸՀ ղեկավարի հետ հանդիպմամբ: Առաքելության աշխատանքներին կմասնակցի շուրջ 20 երկարաժամկետ դիտորդ: Որպես կանոն՝ դրանք ԱՊՀ երկրների դեսպանատների ներկայացուցիչներ են և հավատարմագրվելու են առաքելության կազմում»,- ասել է Վիկտոր Գումինսկին:
Ընդհանուր առմամբ, առաքելությունում շուրջ 70 անձ կներառվի: «Մեր աշխատանքում առաջին հերթին ղեկավարվելու ենք Հայաստանի ազգային օրենսդրությամբ, ինչպես նաև ԱՊՀ երկրներում ժողովրդավարական ընտրությունների չափորոշիչների, ընտրական իրավունքների և ազատությունների մասին կոնվենցիայով: Անշուշտ, մենք չենք միջամտի պետության ներքին գործերին և անաչառ գնահատական կտանք»,- նշել է նա՝ հույս հայտնելով, որ Հայաստանում ընտրարշավը կանցկացվի լավ մթնոլորտում, ազգային օրենսդրությանը համապատասխան:
Հիշեցնենք, որ Հայաստանում ԱԺ արտահերթ ընտրությունները նախանշված են դեկտեմբերի 9-ին: Ընտրություններին մասնակցելու համար 11 քաղաքական ուժ է գրանցվել:
