21.04.2026 | 14:50
Մագյարը սպառնացել է պաշտոնանկ անել Հունգարիայի նախագահին, եթե նա հրաժարական չտա
Իրանն ԱՄՆ-ի հետ բանակցություններին չի մասնակցի «սպառնալիքների ստվերի տակ». Ղալիբաֆ
Քաղաքականություն
21.04.2026 | 12:24
ԱՄՆ-ի և Իրանի միջև բանակցությունների երկրորդ փուլի հեռանկարը գնալով ավելի անորոշ է դառնում, քանի որ Իրանի գլխավոր բանակցող և խորհրդարանի խոսնակ Մոհամմեդ Բաղեր Ղալիբաֆը հայտարարել է՝ Թեհրանը դեմ է սպառնալիքների ներքո հետագա բանակցություններին։
«Շրջափակում սահմանելով և հրադադարը խախտելով՝ Թրամփը ցանկանում է այս բանակցային սեղանը վերածել հանձնվելու սեղանի կամ արդարացնել ռազմական գործողությունների վերսկսումը, ինչպես ինքն է հարմար համարում։ Մենք չենք ընդունում սպառնալիքների ստվերի տակ բանակցությունները և վերջին երկու շաբաթների ընթացքում պատրաստվում են նոր խաղաքարտեր ցուցադրել մարտադաշտում»,- գրել է նա X-ում։
Մինչ այդ, Axios-ը հաղորդել է, որ Իրանի պատվիրակությունը գերագույն առաջնորդից «կանաչ լույս» է ստացել ԱՄՆ-ի հետ բանակցությունների համար։
Թարգմանությունը՝ Էմմա Չոբանյանի
