05.06.2026 | 11:29
Տիրան Խաչատրյանի նկատմամբ հանրային քրեական հետապնդում է հարուցվել
Թեհրանը խոստանում է պատասխանել ԱՄՆ-ի կողմից իրանական բեռնատար նավի առգրավմանը
Քաղաքականություն
20.04.2026 | 10:42
Իրանի իշխանություններն ԱՄՆ-ին մեղադրել է հրադադարի համաձայնագիրը խախտելու մեջ՝ Օմանի ծոցում Իրանի առևտրային նավերից մեկի վրա կրակ բացելով։ Իրանի բարձրագույն համատեղ ռազմական հրամանատարությունը՝ Հազրաթ Խաթամ ալ-Անբիա կենտրոնական շտաբը, խոստացել է արագ արձագանքել ԱՄՆ գործողություններին, գրում է DW-ն։
«Մենք զգուշացնում ենք, որ Իրանի Իսլամական Հանրապետության զինված ուժերը շուտով կարձագանքեն և կհակադարձեն ԱՄՆ զինված ուժերի այս ծովահենությանը»,- ասել է շտաբի խոսնակը։
Ավելի վաղ տարածաշրջանում տեղակայված ԱՄՆ ռազմածովային ուժերն առգրավել էին իրանական դրոշի ներքո նավարկող բեռնատար նավը, որը, նրանց խոսքով, փորձել էր անցնել Օմանի ծոցի ջրերով՝ խախտելով ԱՄՆ-ի կողմից Իրանի նավահանգիստների և նավագնացության շրջափակումը։
Ռազմական խոսնակն ասել է, որ նավը Չինաստանից Իրան էր ուղևորվում։
ԱՄՆ նախագահ Դոնալդ Թրամփը հայտարարել էր, որ ԱՄՆ զինված ուժերը կիրակի օգրավել են իրանական դրոշի ներքո նավարկող բեռնատար նավը, որը փորձում էր խուսափել ԱՄՆ ռազմածովային շրջափակումից Հորմուզի նեղուցի մոտ։ Նա հավելել է, որ ԱՄՆ ծովային հետևակայիններն առգրավել են Touska անունով նավը և «նայում են, թե ինչ կա դրա վրա»։
Նավի առգրավումը հաստատել է նաև Մերձավոր Արևելքում ԱՄՆ կենտրոնական հրամանատարությունը (CENTCOM):
Հրապարակված տեսանյութում նաև երևում է, թե ինչպես են ԱՄՆ ծովային հետևակի զինծառայողները USS Tripoli նավից մոտենում Touska-ին։
