24.05.2026 | 10:37
«Համերգը մնում է օրակարգում»․ Ժաննա Անդրեասյանը՝ հուլիսին SOAD-ի համերգի չեղարկման մասին
Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը
19.11.2018 | 21:43
Երեւանի քաղաքապետարանը հրավիրում է բոլոր շահագրգիռ ֆիզիկական եւ իրավաբանական անձանց՝ մասնակցելու մինչեւ նոյեմբերի 29-ը ներառյալ կազմակերպվող հանրային քննարկումներին, որոնք վերաբերելու են «Երեւան քաղաքի 2019 թվականի բյուջեի մասին» ավագանու որոշման նախագծին, ինչպես նաեւ «Երեւանի զարգացման 2019 թվականի ծրագրի հաստատման մասին», «Երեւանի զարգացման 2019-2023 թթ. հնգամյա ծրագրի հաստատման մասին» նախագծերին:
Նշված նախագծերը հրապարակվել են Երեւանի պաշտոնական համացանցային կայքում (www.yerevan.am) եւ Իրավական ակտերի նախագծերի հրապարակման միասնական կայքում (www.e-draft.am): Շահագրգիռ անձանց առաջարկվում է մինչեւ նոյեմբերի 28-ը ներառյալ ներկայացնել իրենց առաջարկություններն ու դիտողությունները ներկայացնել քաղաքի համացանցային կայքում կամ ուղարկվել համապատասխան էլեկտրոնային հասցեով ([email protected]): Առաջարկություններն ու դիտողությունները կարող են նաեւ գրավոր ներկայացվել Երեւանի քաղաքապետարան:
Բացի այդ, նոյեմբերի 29-ին կկազմակերպվեն հանրային բաց լսումներ, որոնց նույնպես հնարավոր կլինի մասնակցել նախապես հայտ ներկայացնելով: Այդ լսումներն անցկացվելու են Արգիշտիի 1 հասցեում գտնվող Երեւանի քաղաքապետարանի վարչական շենքի 5-րդ հարկում՝ ժամը 15-ին: Մասնակցելու համար անհրաժեշտ է դիմել մինչեւ նոյեմբերի 26-ը ներառյալ: Լրացուցիչ տեղեկություններ ստանալու համար առաջարկվում է զանգահարել 011 514-370 կամ 011 514-227 հեռախոսահամարներով:
